30 novembre 2008

De diurnario Gallo a biocolytis male tractato

In omnibus actis diurnis Gallicis narratur quod evenit cuidam diurnario Veneris die proximo. Is scilicet accusabatur propter calumniam erga quemdam hominem in actis diurnis quae gerit a lectore quodam insertam (cujus criminis si quis reus a judice declaratur, ad carcerem damnari minime potest, sed tantum multa multari). Veneris die ergo subito hora sexta et dimidia mane pulsatur violenter janua domus ejus, qua intrant non sine tumultu manus armata biocolytarum qui eum jubent ilico se vestire et se sequi, manibus rite vinctis,... [Lire la suite]
Posté par Pastrix à 17:44 - Commentaires [1] - Permalien [#]

23 novembre 2008

MARTIALIS EPIGRAMMA IN SARCOZIUM

Ardalio noster huc et illuc cursitare non desinit : Fruticem visitat, Putino blanditur, Georgio Brown gratulatur, Angelam osculatur. Vix eum audimus aliquo loco versari, cum legimus eum alio jam abiisse. Haec extra fines. In Gallia vero ubi, antequam electus esset, civibus maria montesque pollicebatur, nunc autem fere nihil evenire videtur : parturiebant montes, natus est ridiculus mus.. Ingentes mutationes in Re Publica faciendas cottidie nuntiabat, et adhuc cottidie jactitat. Nihil fit. De quolibet eventu, vel minimo,... [Lire la suite]
Posté par Pastrix à 16:57 - Commentaires [5] - Permalien [#]
16 novembre 2008

Rerum status mirandus et singularis

Post praesidis Obamae electionem, status Americanae Reipublicae valde mirandus et singularis ceteris quidem populis terrae merito videri potest. Etenim ubique terrarum, ut primum novus praeses vel primus administer populi suffragiorum majorem partem tulit, statim Rei Publicae habenis potitur, dum antecessor ejus, quasi fovea quadam haustus, e conspectu removetur. Ita res se habent in omnibus nationibus in quibus quidem electiones democraticae, ut aiunt, constituuntur. Non tamen ita in America, ubi praeses, a populo ... [Lire la suite]
Posté par Pastrix à 17:44 - Commentaires [0] - Permalien [#]
10 novembre 2008

NUNC EST BIBENDUM !

Nunc est bibendum, nunc pede libero // pulsanda tellus ! Mox enim depelletur Frutex ex Alba Domo, ejusque in locum succedet Obama. Cujus victoria non solum in America, sed ubique terrarum celebratur quasi non unius populi candidatus fuisset, sed orbis universi. Nonne enim ad totum orbem pertinere is videtur, qui a patre Afro et Mahometano, et a matre albicolore et Christiana (quanquam agnostica, ut dicunt) in Insula Hawai ortus, primum in Indonesia (nisi fallor), deinde in America, educatus est ? Alioquin... [Lire la suite]
Posté par Pastrix à 10:27 - Commentaires [7] - Permalien [#]
28 octobre 2008

EPIGRAMMA

De Sruthocamelo, argentario et moecho Argentarius exardebat Struthocamelus --Femellam juvenem, sub dicione sua. Quam futuit tandem, dicunt, absente marito : --Auri vincit amor, teste Jove et Danae. Pastrix
Posté par Pastrix à 19:14 - Commentaires [3] - Permalien [#]
19 octobre 2008

Multiformis histrio

Nos quidem Galli fortunati sumus. Praesidem habemus chamaeleonte magis versicolorem, Proteo mutabiliorem, quolibet histrione peritiorem, qui in eodem theatro vicissim diversas partes agere valeat, modo regis superbi, modo civis humilis, nunc viri sene sapientioris, nunc adulescentis amore capti, tum divitis divitum amici, tum pauperum memoris. Nobis nihil prorsus opus est aliis histrionibus, ille unus nobis satis facit. Itaque neminem alium in scaena aspicere libet, et si forte alius comoedus apparet, nemo est qui eum ... [Lire la suite]
Posté par Pastrix à 23:32 - Commentaires [0] - Permalien [#]

13 octobre 2008

AVE REGINA PECVNIA DECOCTVRI TE SALVTANT !

Argentarii in toto terrarum orbe, propter imprudentiam et avaritiam suam, decocturi sunt. Et iidem, qui, nuper, negabant Respublicas debere negotiis suis se immiscere, et totam libertatem sibi vindicabant pecunias mutuandi, fenerandi, collocandi, transferendi, ut cuique libebat, subito decoctionem universam timendam esse clamant,et fore ut debita creditoribus suis solvere non possint, quod ad calamitatem inauditam cunctas terras adducet, et imprimis civitates, ut aiunt, maxime progressas, in America et Europa. Statim praesides... [Lire la suite]
Posté par Pastrix à 23:43 - Commentaires [3] - Permalien [#]
05 octobre 2008

De philarchia seu de cupidine imperandi

Narratur olim in Imperio Turcico persaepe evenisse, ut, si Imperator (vel Sultanus) sentiebat tumultum civilem aliquem impendere atque imminere adversus auctoritatem suam propter vectigalia graviora, vel annonae penuriam, vel injuriam quamlibet populo illatam , vel calamitatem quamdam inexspectatam, vel etiam ea causa sola quod plebem, semper rerum novarum cupidam, taedebat vitae miserae quam agebat, si igitur Sultanus timebat ne seditio in populo erumperetur, omnes motus mox sedare sciret , publice significando se ipsum... [Lire la suite]
Posté par Pastrix à 15:31 - Commentaires [2] - Permalien [#]
28 septembre 2008

PrAEvidere, prOvidere

Quando sciet homo a periculis se tueri quae praevidere scit ? Nunquam antea potuit homo accuratius praevidere pericula sibi imminentia. Si de tempestate agitur, homines scientiae meteorologicae periti de imbribus, de sole, de temperatura, de procellis, compluribus diebus antequam eveniunt, nos monere valent. Immo si de futuris calamitatibus quae orbi nostro imminent agitur, ut caloris incrementum, montium gelidorum fusura, specierum multarum animalium exstinctio, ceteraque pericula quae hominum vitae impendunt, multis annis... [Lire la suite]
Posté par Pastrix à 16:38 - Commentaires [3] - Permalien [#]
21 septembre 2008

Ecclesiae Filia maxima natu

Quoties Gallia a Pontifice Romano visitatur (quod nuper iterum accidit), acta diurna cognomen hujus nationis commemorare solent, quod ante plus quam mille quingentos annos ei tributum est, cum vocata est Ecclesiae Filia maxima natu. Cur ? Quia anno CCCCXCVI (496), rex Francorum tunc temporis, nomine Chlodovechus (quod nomen barbaricum deinde mutatum est in Clovis, et mox in Louis), postquam in proelio quodam, auxiliante Deo uxoris suae, (ut ipse quidem credidit et affirmavit), hostes vicerat, episcopum nomine Remigium... [Lire la suite]
Posté par Pastrix à 18:40 - Commentaires [2] - Permalien [#]