28 février 2007

Tarquinii expulsi

Hodie (pridie Kal.Martias) Romani expulsionem Tarquiniorum libertatemque populo donatam commemorabant. Ut ait Florus, ille rerum Romanarum scriptor, "Superbi illius importuna dominatio nonnihil, immo vel plurimum profuit. Sic enim effectum est, ut agitatus injuriis populus cupiditate libertatis incenderetur." Sic aliquando evenit ut a malo oriatur bonum quodquam. Utinam in hominum historia quoties nimia mala rerum mutationem pepererunt, eventus ita satis bonus evasisset. Sed quam saepe in locum mali alicujus quod quidem nemo diutius... [Lire la suite]
Posté par Pastrix à 22:32 - Commentaires [1] - Permalien [#]

26 février 2007

Potestne stultus sapere ?

"Malo accepto stultus sapit", ait proverbium quoddam, prolatum certe ab uno eorum qui "optimistas" se vocant, et qui in meliorem partem res semper accipere solent. Contra atque ii qui "pessimistas" se vocant, et, ut illa Casssandra Trojana, semper se metuere dicunt, ne res etiam pejores quam in praesenti fiant. Si, malo accepto, stultus quidam sapit, nonne hoc demonstrat istum non tam stultum esse quin ex rerum eventu saltem aliquid discere possit ? Est igitur non stultus perfectus, sed tantum semi-stultus, quoniam aptum se praebuit... [Lire la suite]
Posté par Pastrix à 23:44 - Commentaires [3] - Permalien [#]
25 février 2007

Aelurophylax

Quidam ex amicis meis Lutetia abierunt, ut in uno ex locis ad exercitationes hiemales et ad nartationem idoneis ferias aliquot dies agerent. Sed quid facerent de feli sua quam valde amant, cum eam secum auferre non possint, quia in domum conductam ubi habitabunt animalia non accipiuntur. Constituerunt ergo ut felem domi relinquerent solam, ita tamen ut interdum aliquot temporis momenta amicus aliquis cum ea ageret, non tam ut ei cibum et aquam daret, quam ut cum ea loqueretur, luderet, eam permulceret et (cur non ? ) oscularetur ! Nam... [Lire la suite]
Posté par Pastrix à 23:35 - Commentaires [0] - Permalien [#]
22 février 2007

Vox rediit

In diario meo die 9 m.Feb. dato, querebar quod ex fine m.Dec. puellae Bagdatensis blogum cui titulus est "Baghdad Burning" (Latine: Ardet Bagdatum) jam non emittebatur, et mirabar utrum scriptrix forte fuisset una inter tam multos homines qui cottidie in hac miserrima urbe interficiuntur, an impedita esset quominus diarium suum scribere pergeret, ob vituperationem suam haud minus occultam quam vehementem et exercitus Americani et gubernatorum Iraquianorum ab Americanis auctoratorum. Anxietate qua afficiebar cum omnium diarii hujus... [Lire la suite]
Posté par Pastrix à 23:57 - Commentaires [5] - Permalien [#]
21 février 2007

Vaccinum maleficum

Heri nihil scribere potui, quia morbo difficili impediebar. Quid mihi acciderat ? Nudius tertius vesperi, medico meo hortante, vaccinum accepi contra nescio quem pulmonarium morbum, qui serpere dicebatur in terra nostra et, si viris rei peritis credimus, letifer aliquot dierum intervallo fieri compertus erat. Sed hoc vaccinum mihi non ita bene profuisse videtur. At contra tam gravis febris causa fuit (ad XL gradus temperaturae) ut, post noctem valde inquietam, quasi plagis confectus mane experrectus sim. Haud aliter quam si... [Lire la suite]
Posté par Pastrix à 19:18 - Commentaires [4] - Permalien [#]
18 février 2007

Annus suillus

Aliquot abhinc annis, quattuor versus mnemonicos composui ad memoriam animalium quibus constat calendarium Sinicum facile servandam. Quae sunt haec: Mus, Bos, Tigris, Lepus, Draco, Serpens, Equus, Capra, Simius, Gallus, Canis, Sus. Sunt enim duodecim quorum cuique consecratur annus unus, et postea cyclus duodenarius redintegratur. Ecce igitur versus mei: Post timidum MVREM, veniet BOS, quem TIGRIS urget // Tum pavidus LEPVS, et DRACO, nunc SERPENTE sequendus // Pone subibit EQVVS, cui CAPRA et SIMIVS instant.// GALLVS init decimus,... [Lire la suite]
Posté par Pastrix à 19:14 - Commentaires [1] - Permalien [#]

17 février 2007

Dies Stultorum

Apud Romanos, si Ovidio credimus, hic dies erat dies festus Stultorum. Felices Romanos, qui unum solum diem stultis consecrabant. Nos cottidie sacrificia iis facimus. Et utinam ipsi tantum stulti essent. Sed stultitia iis non est satis. Ei addere solent maleficentiam, avaritiam, zelotypiam, cupiditatem, immanitatem. In omnibus ordinibus reperiuntur, nullo loco excepto, in summis muneribus haud minus quam in imis civitatis gradibus. Quod Erasmum non fefellit, cum Elogium Stultitiae (quod Graece Encomium Morias vocavit) composuit, in... [Lire la suite]
Posté par Pastrix à 17:47 - Commentaires [2] - Permalien [#]
16 février 2007

Silentium

In libro suo de Erhica Aristoteles ait: "Multas amicitias dirimit silentium". Rectissime monuit. Sicut planta, ad crescendum et formam assequendam, indiget aqua, sole, imprimisque cura et amore ejus qui eam colit, ita amicitia marcescit et paulatim evanescit, aut si praesentia caret, id est si amici alter ab altero tam procul absunt ut inter se vix unquam videant, aut si, etiam a longinquo, haud saepe epistulas aut saltem nuntia quaelibet alter alteri mittunt. Interdum unus de altero cogitat, sed cogitatio non sufficit. Oportet rem... [Lire la suite]
Posté par Pastrix à 23:58 - Commentaires [4] - Permalien [#]
14 février 2007

Quid accidit ?

Quid accidit, o socii, amico nostro carissimo Thersitae. Ex aliquot diebus diarium ejus tam jucundum tamque dilucide et eleganter scriptum adire non possum. Et conicio idem evenire omnibus (et quam multi sunt!) qui eum legere amant. Estne conjuratio contra rempublicam Latine scribentium et legentium facta ? An impedimentum fortuitum, ut haud raro in mundo interretiali fieri solet ? Memini ipse talem rem aliquot abhinc mensibus mihi accidisse, et tres vel quattuor dies duravisse. Cur hoc accidisset non magis rescivi quam cur... [Lire la suite]
Posté par Pastrix à 19:27 - Commentaires [2] - Permalien [#]
13 février 2007

Ad multos annos !

Die 13 (tertio decimo) m.Febr. anni 1995 (millesimi nongentesimi nonagesimi quinti, nam, ut haud semel vobis dixi, omnem occasionem arripio me exercendi in scribendis numeris), duo fratres quibus nomen praedestinatum erat Lux, vel Lumen (Gallice: Lumière), Augustus et Ludovicus, diploma de novo instrumento quodam a se invento publice inscribi jusserunt, quod 'cinematographum' appellabant. Quo instrumento vel machina , photographemata ejusdem rei vel animalis vel hominis intervallis certis capta continuo motu in telam albam... [Lire la suite]
Posté par Pastrix à 20:11 - Commentaires [0] - Permalien [#]