19 mars 2007
Attendite !
Attendite, optimi lectores et lectrices ! Est mihi aliquid vobis dicendum. Cum hoc diarium scribere incepi, mihi proponebam ut nullum diem mihi praeteriret quo nullam lineam exararem. Hoc erat ante fere unum annum et dimidium. Quam diligenter conatus sim hoc propositum tenere, non tamen tam accurate quam sperabam, testimonium est quod usque adhuc haud minus quam 444 nuntia hoc loco edita sunt. Infortunate, cum nunc in dies minus minusque tempus mihi vacet ad scribendum, valde timeo ne omittere cogar vetus propositum meum "Nulla dies sine linea", contentusque esse novo, quod erit "Nulla hebdomas sine linea".
Dies editionis erit sive Solis, sive Saturni, sive Lunae, ut hodie. Spero vos tam fideliter quam antea perrecturos ineptias meas legere, et si aliquid habebitis quod scribatis, non dubitaturos commentarios semper gratissimos mittere.
Ad finem hebdomadis ergo valete, et favere nobis pergite...
Pastrix
Publicité
Publicité
Commentaires
T
L