10 janvier 2007
Sapientia
His proximis diebus, non sine stultitia quadam, querebar quod tempora moresque mutata erant. Sed postea mihi occurrerunt hi versus Ovidii, ex Fastis m.Januarii, excerpti, in quibus, postquam mores antiquos laudaverat, et sui temporis animum vituperarat, dicens:
Tempore crevit amor, qui nunc est summus, habendi;
Vix ultra, quo jam progrediatur, habet.
Quam tota via errabat miser Naso, nam si hodie viveret, videret certe 'quo amor habendi progredi possit'.
Et addebat:
Creverunt et opes et opum furiosa cupido,
Et, cum possideant plurima, plura volunt.
Videte possessores negotiorum, semper opum avidiores et cupidiores ! Sunt qui anno uno accipiant tantum nummorum quantum unus ex suis operariis trigentis aut sescentis annis acciperet, si ita diu vivere et laborare posset !
Sed quid postea addit sapiens Ovidius ?
Laudamus veteres, sed nostris utimur annis;
Mos tamen est aeque dignus uterque coli.
Valete, et dormite bene
Pastrix
Publicité
Publicité
Commentaires
R
L