Anniversarius

Hodie, Idibus Octobribus, in hoc diario Latine conscripto et linguae Latinae toto dedicato, non possumus non commemorare et celebrare anniversarium celeberrimi poëtae Romani Publii Vergilii Maronis, nati Andibus prope Mantuam anno 70 a.C.n., cujus mortem nuper (die 22 m.Sept. a.19 a.C.n) ibidem commemoravimus. Hac occasione oblata, sinite me describere hos aliquos versus quos conscripsit Angelus Politianus, poëta Italus (1454-1494) in laudem Vergilii: “Editus ecce Maro, quo non felicior alter “Seu silvas, seu rura canit, sive arma virumque, “Namque Syracusiis cum vix assurgat avenis, “Hesiodum premit, et magno vix cedit Homero. Hac "salutatione Angelica" concludatur nuntium nostrum hodiernum... Valete, et vobis omnibus qui eodem die quo Vergilius nati estis, felicem, faustum, fortunatum novum annum imo ex corde opto. Pastrix P.S. Ad lectricem meam fidelem CLAUDIAM : haec optata mea ad te imprimis pertinere scito...