27 mars 2006
Gaudeamus igitur
Valde gaudeo, quod aliquot amici et amicae denique tandem experrecti sunt e somno suo profundo ! Dixit quidam ex eis, lectores certe exspectavisse reditum Musae Thaliae. Si ita res se habet, rogo te, Thalia, ut saepe redeas et silentium tuum aureum interrumpas. Argento verborum contenta esto.
Nunc autem exspectare non desiimus finem fabulae quam narrare incepit amicus noster Karklau. Expergiscere, optime Karklau, neve facias sicut illa formosa puella quae in silva incantata dormivit centum annos, ante quam venit filius regis venustus ad excitandam eam e somno osculis teneris in labiis ejus fixis. Num tu quoque exspectas dum filia regis venusta quaedam veniat ad te expergefaciendum osculis ? Euge ! Surge et narra...
Vos autem, cari lectores, qui commentarios miserunt, scitote eos mihi pergratos fuisse. Valete et optima nocte fruimini...
Pastrix
Publicité
Publicité
Commentaires
P
M
P
T
M