25 février 2006
...sine finibus (bis)
His proximis diebus locuti sumus de multis sodalitatibus, quae nominibus vel titulis suis addiderunt locutionem 'sine finibus', ut medici, diurnarii, et ceteri voluntarii qui homines miseros ubique terrarum adjuvare non sine periculo tentant. Hodie non de hominibus agetur, sed de morbis. Proximis enim annis multi novi morbi apparuerunt quos quoque 'sine finibus' vocari non immerito licet. Conabor eos numerare. Fuit morbus 'vaccae insanae', qui maximam partem Europae, sed praesertim Britanniam, invadit. Postea morbus, quem medici pneumoniam atypicam vel SRAS nominarunt, paecipue in Asia. Deinde, vel fortasse prius, apparuerat virus Ebolense, imprimis in Africa. Nunc multum narratur de febri gallinarum, quae in Asia orta, et translata ab avibus migrantibus, in Africam et Europam postremo pervenit, et pestem attulit multis cycnis, gallinis, anatibus, gallinisque Indicis. Quae febris timetur ne ab avibus ad homines transeat. Quod usque adhuc non accidit...
Ut videtis, fines posthac non nos tegunt.
Valete, optimi lectores et lectrices, qui quoque, 'sine finibus', nos visitatis..
Pastrix..
Publicité
Publicité
Commentaires
T
P
K
P
K