16 octobre 2005
Potio magica
Verum est, Thalia, Asterigem multas feminas non seduxisse. Sed non est ejus culpa. Est culpa Druidae, cujus potio magica non valet ad alliciendas puellas, sed solum ad captandos apros aut tollendos legionarios Romanos. Idem de Obelige. Debemusne suadere Uderzo, auctori librorum, ut mutetur effectus potionis magicae suae, et faciat potius philtrum ad instar philtri quod adduxit Tristanum et Isoldam ad amorem mutuum ineluctabilem. Sed caveat ne accidat ut Asterix et Obelix ament, amore ardenti, quoque legionarios et fiant (horribile dictu !) 'homosexuales', nam quis scit quid possit efficere potio magica amorifica, cum unusquisque noverit amorem semper esse caecum ?
Valete, carissimi Thalia et Ferenunquam, et vos omnes, optimi lectores. Et bonam noctem habete.
Pastrix
Publicité
Publicité
Commentaires
P
T