16 mars 2006
Redite !
Jam rediit una Musarum, Musa comica, nomine Thalia. Ceterae, ut spero, non morabuntur. Quod pertinet ad Maximum, Salvatorem, Karklau et reliquos Hispanos, illi sunt fidelissimi et semper habent aliquid quod dicant et narrent. Gratias eis agendae sunt pro eorum assiduitate, quae mihi maximo est gaudio. A Klarklau tamen exspectamus finem fabulae quam incepit narrare aliquot diebus abhinc. Nam anxii omnes sumus de sorte puellae et de lupo. Avia ipsa non videtur in periculo esse, contra quam evenit in fabula quae narrari solet.
Temperatura hic Lutetiae non desinit frigidissima esse. Fortasse, ut conjiciebam, hac de causa lectores et lectrices (excepta Thalia) ex Gallia non scribunt, quia habent digitos gelatos !!! Speramus, cum ver inceperit et calor redierit, eas experrecturas e somno suo hiberno, ut glires solent.
Ad crastinum, curate ut valeatis, et dormite quam quietissime.
Pastrix
Publicité
Publicité
Commentaires
P
M
S