5 mars 2006
Ubi sunt Galli ?
Ubi sunt Galli ? Num febris gallinacea eos percussit, illa febris vel 'influentia aviaria', ut dicunt, quae in fere omnibus terrae regionibus bacchari incepit, atque tentat non solum cycnos, gallinas, perdrices, anates, coturnices, ciconias, et alias aves, sed jam feles quaedam fertur periisse in Germania, eadem peste affecta. Si mures et sorices de hac re audiunt, saltare certe incipient...
Sed Galli et Gallae ? non puto eos et eas feriri hoc morbo, qui usque hanc diem non transiit ad homines. Usque hanc diem in nostris regionibus, nam sunt homines in longinquis Asiaticis terris colentes, qui dicantur periisse hac febri saevissima. Agite ergo, Galli et Gallae, qui et quae has lineas legitis, scribite vos esse salvos vel salvas et incolumes. Et vos, Hispani et Hispanae, ne desieritis scribere vestros commentarios qui nobis multum placent, propter eorum varietatem et urbanitatem.
Valete ad crastinum, et dormite quam optime.
Pastrix
Publicité
Publicité
Commentaires
M
M
C