Quot libri !

Hodie visitavi mercatum librorum qui habetur quotannis eodem tempore in aedibus ingentibus, ubi plus quam mille editores et bibliopolae ex compluribus regionibus, sed praecipue ex eis quae linguam Gallicam colunt, exponunt novissimos suos libros. Eodem tempore fiunt in diversis conclavibus illarum aedium acroases et disputationes de variis operibus vel auctoribus tractantes. Hic mercatus durat quinque dies, et a multitudine hominum omnium aetatum frequentatur. Est quasi celebratio sollemnis libro dedicata. Ibi tamen non vidi, eheu!, ullum librum Latine scriptum. O tempora ! Sed haec celebratio certe demonstrat librum nondum locum cessisse, et, contra opinionem nimis saepe auditam, adhuc plurimos homines legere amare neque libris carere posse. Quod est nobis quidem maximo solatio. Gutenberg adhuc vivit, nondum sepultus est... Gratias lectoribus fidelibus ago maximas. Valeant et nobis favere pergant. Ad crastinum.. Pastrix

Comments

[Pastrix]

Gratias tibi, optime Ludovice, maximas ago, pro commentario tuo. Ex imo corde te saluto.
Vale.

[Maximus Hispanus]

Hodie, cum diarium tuum legebat, ad mentem meam consideratio de hodierne linguae latinae statu adveniebat. Incredibilis quomodo solum in seculo uno, triumphi causa stolidorum stultorumque, haec lingua relegata est.

Fortasse nos iamdiu modo romantici (postremi romantice, ut melius dicere) simus.

Ita tu, Pastrix nullum sermone latino librum in librorum mercato invenisti, et ego nullam possibilitatem in sede Communitatis Europaeae interretiale latinice legendi habui.

Solutio facilis a me videtur: quantum minus latinice inveniam sic tantum latinice scribam.

Formosa somnia vobis opto.


Maximus Hispanus

[Ludovicus]

Dilectissime Pastrix,
Ego quoque quotidie diarium tuum lego et gaudeo.