08 novembre 2005

prohibitum!

Prohibentur omnes juvenes minores exire e domibus post horam decimam postmeridianam, nisi comitati sunt a majoribus. Disciplina restituta est. Raedae non incendentur, vigiles non lapidabuntur, tabernae non diripientur, siphonarii in stativis manebunt. Nullus juvenis in viis ambulabit noctu. Soli senes aëra nocturnum respirare poterunt. Dormite quiete, boni homines, Sarkozius venit, vidit, vicit. Sed quis scit num ignis sub cinere non dormiat ? Videbimus. Mihi quidem non multum placent prohibitiones. Nam omnia prohibita cupidinem... [Lire la suite]
Posté par Pastrix à 23:18 - Commentaires [0] - Permalien [#]

07 novembre 2005

mea culpa

Mea culpa, mea maxima culpa. Confiteor, Thallia, me saepe inspexisse diarium vestrum. Sed nunquam ausus sum scribere commentarium. Timeo ne ridiculus videar, si, post tam facetos nuntios (praecipue tuos, Thallia), conor 'granum salis' meum addere. Verum est. Ego quidem, in diario meo cum Latine scribere debeam, et lingua satis facili, ut omnes (aut fere omnes) intellegere possint, nescio quid scribam et de quibus rebus loquar. Itaque exspectare soleo commentarios lectorum, ut argumentum capiam ad nuntium meum componendum. Valete... [Lire la suite]
Posté par Pastrix à 23:57 - Commentaires [1] - Permalien [#]
06 novembre 2005

actio—reactio

Ita est, Thalia. Scriptori semper opus est lectore. Si scribis epistulam, exspectas responsum. Si dicis aliquid, speras fore aliquem responsurum. Etiam homines qui loquuntur in emissorio radiophonico, si certi non essent se auditores habere, non pergerent loqui 'in vacuo'. Et quam gaudent cum accipiunt testimonia ab auditoribus, etiam ab eis qui eos reprehendunt. Homo est, dixit Aristoteles, animal sociale. Ei necesse est scire se non esse solum in terra, sed habere socios qui eum observant et colunt et amant. Tu ipsa, Thalia, si... [Lire la suite]
Posté par Pastrix à 23:56 - Commentaires [1] - Permalien [#]
05 novembre 2005

salvete omnes

Salvete omnes, qui me legitis. Etiamsi nihil scribitis, vos imo ex corde saluto. Intellexi enim non esse necessarium homines inveniri qui mittant commentarios, sed tantum lectores et lectrices. Praecipuum est me ipsum quotidie aliquid nuntii scribere ("Nulla dies sine linea", nonne, Thalia?). Sed semper facilius est scribere aliquid, si responsum est ad nuntium antea missum. Exempli gratia, hodie nihil habeo novi quod scribam. Nolo scribere de re politica, quanquam multa eveniunt quotidie, quae vocant ad cogitationem. Nam mihi non... [Lire la suite]
Posté par Pastrix à 23:54 - Commentaires [1] - Permalien [#]
04 novembre 2005

Gratias

Gratias vobis duobus ago maximas, Thalia et j., quod commentarios scripsistis ad nuntium meum hesternum. Tu, Thalia, rectissime me monuisti, mihi non exspectandum esse responsum quotidie, nam nullus lector sententiam subscripsit quae dicit:" Nulla dies sine linea". Ego solus eam subscripsi. Meum ergo est scribere. Lectorum est legere. Si scribere volunt, scribant. Unusquisque habet suum laborem faciendum. Sed magis etiam admiratus sum novum lectorem nostrum j. qui rectissime judicavit de Thalia. Thalia est re vera quod Gallice dicitur... [Lire la suite]
Posté par Pastrix à 23:26 - Commentaires [0] - Permalien [#]
03 novembre 2005

Nemo respondet

Nullus lector, nulla lectrix scripsit commentarium ad nuntium meum hesternum. Ego quoque nihil scribam hodie. Lassus sum. Cras sol lucebit et novum diem illuminabit. Dies Veneris erit. Fortasse Venus, dea Amoris, nobis favebit. Interea dormite bene. Pastrix
Posté par Pastrix à 23:53 - Commentaires [3] - Permalien [#]

02 novembre 2005

florilegium

Rosae, chrysanthema, poëmata, hoc est, optimi j. et Thalia (Ferenunquam non dubito nobiscum brevi tempore se conjuncturum, nam ille quoque est poëta!) suave florilegium, quod composuistis die mortuorum, sed omnes nos vivimus, et, spero, vivemus optime. Longe a terrae motibus, ab inundationibus, a febri gallinarum (et a febri suburbanorum), et ab omnibus calamitatibus quae nobis minantur. Gaudeamus et fruamur vita. Carpe diem, canebat Horatius poëta. Nunc carpamus non solum dies, sed etiam noctes. Valete, carissime j. et carissima... [Lire la suite]
Posté par Pastrix à 23:05 - Commentaires [0] - Permalien [#]
01 novembre 2005

Rosarum amator

Victoria ! Lector quidam novus hujus diarii apparuit, nomine J. Rosas amat. Hodie primo die mensis Novembris (apud Romanos Kalendis Novembribus), homines emunt potius 'flores aureos', Graece 'chrys-anthema', ut ornent sepulcreta vel coemeteria ubi jacent mortui sibi propinqui. Ego quidem hoc non facio. Itaque hodie rosae mihi magis placent.Gratias tibi ago maximas, J., pro fasciculo tuo rosarum. Fideles amici nostri de me hodie non cogitaverunt, aut cogitaverunt sed nihil scripserunt. Eos tamen saluto amice, et spero eos cras... [Lire la suite]
Posté par Pastrix à 23:24 - Commentaires [3] - Permalien [#]
31 octobre 2005

Nuptiae

Mense Martio anni MMI (bis millesimo primo) celebratae sunt nuptiae Domini Bertrandi Delanoï, Majoris Urbis, et Dominae Lutetiae, post ejus divortium cum Domino Johanne Tiberio, antea Majore ejusdem Urbis. Domina Lutetia vestita erat stola longa alba et in capite suo sustinebat turrim minutam imitantem famosam Turrim, quam aedificavit Gustavus Eiffel anno MDCCCLXXXIX. Usque adhuc hoc matrimonium beatum fuisse videtur. Sed dicunt, post duos annos, posse fieri, ut Domina Lutetia nubat alteri viro, aut etiam feminae cuidam, nam nihil... [Lire la suite]
Posté par Pastrix à 23:43 - Commentaires [4] - Permalien [#]
30 octobre 2005

Cur ?

Cur non possumus mutare dies, sicut mutamus horas ? Quidam dies digni essent qui mutarentur. Exempli gratia die Veneris 28 mensis Octobris. Eram fatigatus, aeger, mihi nulla cupido erat scribendi. Itaque nihil scripsi. Hodie, Solis die, validior sum. Et gratias ago Thaliae pro commentario suo, qui me revocavit ad servandam meam regulam: "nulla dies sine linea". Sed ubi est Ferenunquam ? Ferias fortasse agit longe a Lutetia, longe a Turri Eiffeliana et scintillatione Bertrandiana. Spectaculum mirabile, cui omnes peregrini plaudent et... [Lire la suite]
Posté par Pastrix à 23:11 - Commentaires [2] - Permalien [#]