26 décembre 2005

Pauca verba

Pauca, vel paucissima verba, hac nocte scribam. Quia nunc tardius est quam putabam. Nescio quomodo tempus fugat. Quanquam animadverto tempus in dies celerius praeterire. Praesertim his diebus, inter diem Natalicium et diem Novi Anni. Quasi amicus noster Saturnus cuperet velociter finire hunc annum, quem satis vidit. Ille quoque, quanquam deus, fatigatus esse videtur, sed ita fatigatus, ut non gradum tardet, sed, contra, celerius properet hos dies quasi intermediarios finire. Ego sic faciam, ut Saturnus. Finem faciam scribendi. Sed... [Lire la suite]
Posté par Pastrix à 23:58 - Commentaires [0] - Permalien [#]

25 décembre 2005

Heroes defatigati sunt

Heroes sunt defatigati. Nimis comederunt, nimis biberunt, nimis cantaverunt. Nunc eis opus est requies. Sed non requies aeterna ! Usque ad primum Novi Anni diem tantum. Tunc oportebit iterum comedere, bibere, cantare, si nolumus existimari quasi ursi. Mores nostri non sinunt nos agere ferias Natalicias quieti, sobrii, temperantes. Sed ne queramur, non tam noxium est interdum fines temperantiae transgredi. Satis erit, si reliquum anni tempus sapientes erimus, atque non abutemur cibis et potionibus. Interea agamus hanc hedomadem... [Lire la suite]
Posté par Pastrix à 23:46 - Commentaires [1] - Permalien [#]
24 décembre 2005

Silentium

Hac nocte, silentium. Nulla cantilena. Satis fuit cantare : "O abies", et" Pater Natalici". Nunc vobis afferam nullam cantilenam Nataliciam novam. Satis habeamus bibere et edere. Bibamus vodcam, edamus caviarum et salmonem. Quid optemus amplius ? Audivimus cansiones russicas. Mihi valde placuit audire cansiones russicas, dum bibo vodcam et edo caviarum. Salutem vobis opto. Sed cur non vobis vertam cantilenam russicam in Latinum: " Oculi negri, et terribiles, Oculi ardentes, et mirabiles, Quam vos adamo, Quam vos timeo Nam vos... [Lire la suite]
Posté par Pastrix à 23:58 - Commentaires [0] - Permalien [#]
23 décembre 2005

cantilena alia

Heri vobis cantavi :" O abies, o abies". Spero vos eam quoque cantavisse, voce saltem demissa, non alta, propter vicinos... Hac nocte vobis offero cantilenam aliam non minus notam quam illam. Gallice inscribitur : "Petit papa Noël " Nonne bellum ? Eam cantabat illustrissimus cantor voce suavissima dotatus, ab omnibus feminis et puellis quasi adoratus, Augustinus (?) Rossi. Ecce vobis hujus cantilenae versio Latina: " Pater Natalici, Cum e caelo descendes, Mille ferens crepundia, Meos ne omittas calceos ! " Paratis estis ?... [Lire la suite]
Posté par Pastrix à 23:53 - Commentaires [1] - Permalien [#]
22 décembre 2005

O abies !

Occasione feriarum Nataliciarum data, ecce vobis, optimi lectores, qui mox congrediemini circum abietem, arborem Nataliciam, et cantabitis una simul cantilenam illam quae Gallice sonat : 'Mon beau sapin', ecce, inquam, vobis illam cantilenam Latine versam, non quidem ex verbis Gallicis, sed ex verbis Germanicis 'O Tannenbaum' (nam est origine Germanica) ""O abies, o abies, Fidissima cum fronde, Virens aestatis tempore, Virens nivosa hieme, O abies, o abies Fidissima cum fronde."" Sunt etiam tres strophae, sed una satis... [Lire la suite]
Posté par Pastrix à 23:50 - Commentaires [1] - Permalien [#]
21 décembre 2005

vivere

Primum vivere, deinde philosophari., dixit ... philosophus quidam. Sed quid est vivere ? se movere, subterraneo tramine vehi, laborare, dormire (=metro-boulo-dodo Latine: SubLaDo), autocineton gubernare, peregrinare, comedere, bibere, amare, legere acta diurna, musicam auscultare, spectare televisionem, telephonare, navigare per interrete, diarium scribere, diaria aliena visitare ? Ita, ita, ita. Omnia illa facere est vivere. Et philosophari, quid est ? cogitare, somniare, colloqui de Platone, de Aristotele, de Freudio, de Lacano, de... [Lire la suite]
Posté par Pastrix à 23:46 - Commentaires [0] - Permalien [#]

20 décembre 2005

In medio stat virtus

Aristoteles dixit omnes virtutes stare inter duo vitia affinia. Exemplum: inter superbiam et humilitatem est modestia ; inter temeritatem et ignaviam, fortitudo ; inter prodigalitatem et avaritiam, liberalitas ; inter gulam et austeritatem, temperantia. Sed his diebus omnia enormia esse debent. Si vis aestimari fortis, debes transire oceanos remigando in parva navi, aut ascendere in montes Himalayae sine oxygeno, aut in periculum certum vitam tuam adducere, peregrinando in regionibus militum et armorum plenis ; si vis aestimari... [Lire la suite]
Posté par Pastrix à 23:55 - Commentaires [2] - Permalien [#]
19 décembre 2005

Tarde

Hodie tardissime incipio scribere. Itaque brevior ero quam soleo. Praeterea nihil habeo quod dicam. Totum diem occupatus fui, neque mihi tempus fuit ut meditarer quid scriberem. Valde miror alios scriptores diariorum, ut Thalia, exempli gratia, qui possunt scribere tot lineas et omnes tam jucundas, tam facetas, tam urbanitatis plenas. Ego me sentio quasi stupidus, cum lego quae scribit. Diarium ejus, et diarium aliorum, mihi videntur ut pyrotechnici ludi, quos offerunt aediles vulgo, diebus festis, exempli gratia, die 14 mensis... [Lire la suite]
Posté par Pastrix à 23:59 - Commentaires [1] - Permalien [#]
18 décembre 2005

Vade retro

Vade retro, Saturne. Nemo te amat, nemo te cognoscit. Nuntius meus hesternus excitasse neminem videtur ad commentarium scribendum. Non miror. Omnes nunc temporis tantum cogitant de Patre Natalicio, de feriis in nive agendis, de muneribus ad suos offererendis, de cenis extraordinariis praeparandis. Saturnus mortuus est. Occidit eum non solum Juppiter, filius ejus, sed omnes alii dei qui post eum venerunt: Jehovah, Buddha, J.C., Allah. Sed nemo eorum potuit renovare aetatem auream, quam in terra ille instituerat. Contra, omnes... [Lire la suite]
Posté par Pastrix à 23:24 - Commentaires [2] - Permalien [#]
17 décembre 2005

Saturnus

Hodiernus dies dedicatus est deo Saturno dupliciter : primo, est dies Saturni (non dei fortasse, sed potius Planetae, sed nihil refert). Secundo, dies 17 m. Dec. erat, apud Romanos antiquos primus dies Saturnalium: Saturnalia autem erant occasio permutationis partium inter dominos et servos, id est : servi fiebant domini et domini servi. Servi imperabant et domini oboediebant. Et hae feriae durabant tres aut quinque dies. Cur dedicatae Saturni ? Quia Saturnus, pater Jovis, regnabat tempore aetatis aureae, quando non erant domini,... [Lire la suite]
Posté par Pastrix à 20:54 - Commentaires [3] - Permalien [#]