28 avril 2010

SALVATIO RVRE MISSA

Facere non possum quin valde mirer cur nemo (ne NEMO quidem ipse) ullum commentarium scripserit, de eo cujus mentionem in novissimo meo nuntio feci,  scilicet quod NEMINIS blogum adire nemini jam licet, nisi ad hoc rite invitatus erit,. Quasi hoc omnino novum et singulare non esset ! Quid enim sibi vult tale inauditum impedimentum ? An auctor ipse hoc blogum legere jam neminem sinere instituit, nis“ paucos fortunatos ” (ut dicunt Angli), quos ipse elegerit ? Hoc credere non possum. Ergo aequo animo... [Lire la suite]
Posté par Pastrix à 11:17 - Commentaires [16] - Permalien [#]

18 avril 2010

EO RVS

Vt feriarum tempore plerumque solemus, ego cum familia rus ituri sumus, ut hos quindecim dies feriarum vernarum agamus in villula nostra in Alpibus septentrionalibus sita. Utrum illic interreti uti mihi liceat, ut nuntios meos mittere pergam necne, nondum scio. Utique conabor, et spero hoc mihi bene successurum… Dum de interreti loquor, vos, optimi lectores et lectrices, rogare volo, num his proximis diebus NEMINIS-OUDENOS, amici nostri Americani, blogum visitare conati sitis. Quod ad me pertinet, quotiescumque conor, in ordinatri... [Lire la suite]
Posté par Pastrix à 14:27 - Commentaires [8] - Permalien [#]
10 avril 2010

RVMORES (Epigramma)

Undique rumores de Carla et Caudice  manant : Moechari hunc  dicunt,  dicitur haec futui. Iratus negat ille, negatque marita quiete.          Qui tamen  hos norunt, vix dubitare queunt,  Cum numerant cunnos quos hic futuisse          Dicitur, et caudas quibus aperta fuit. An mores hominum mutari tempore possunt ?          Qui lupus est, lupus est ; quae lupa, semper... [Lire la suite]
Posté par Pastrix à 19:03 - Commentaires [16] - Permalien [#]
06 avril 2010

DE CAVDICIS OCCASV EXSPECTANDO EPIGRAMMATION

Indignus Capitolina sella sedet iste   Caudex o utinam detraheretur ea ! Tarpejam dicunt rupem illam non procul esse:   O utinam propior fieret unde cadat ! Pastrix
Posté par Pastrix à 01:07 - Commentaires [8] - Permalien [#]
30 mars 2010

NON EST MAGNVS PVMILIO...

“Non est magnus pumilio, licet in monte constiterit” (Seneca : Ep.ad Lucilium 76). Ita est Caudex noster, qui non nanus esse desinit — non solum corpore, sed etiam animo—,  cum inter mundi principes, quod eum magnopere delectat,  superbe versatur, Hodie in America se jactat parem cum pari in Capitolio apud Baracum Obama consistere.  Miserum homunculum ! Latus ejus claudit uxor juvenis, satis formosa quidem, sed haud minus amoribus suis praeteritis (et fortasse praesentibus)  famosa. Quam... [Lire la suite]
Posté par Pastrix à 16:13 - Commentaires [4] - Permalien [#]
22 mars 2010

REVIVISCIMVS !

Denique tandem reviviscimus ! “Grata vice veris et Favoni”. Hiems jam abiit. Ut pueri Germanicam linguam discentes canebamus : “Winter ade ! Scheiden tut weh ! Aber dein Scheiden macht, dass in uns das Herze lacht ! Winter ade ! Scheiden tut weh !” Latine :“Hiems, vale ! Discessus dolet, at discessus tuus facit , ut in nobis cor rideat. Hiems, vale ! Discessus dolet.” Ver enim rediit. Grippa porcina finita est, si tamen unquam re vera saeviit, nam neminem  ipse cognosco, qui ea... [Lire la suite]
Posté par Pastrix à 10:50 - Commentaires [7] - Permalien [#]

24 novembre 2009

TAEDIVM

Tantum me taedet status rerum in misera mea terra, Gallia, ut pergere non valeam de eo scribere in hoc diario. Sed si de re politica non scribo, de quanam re loquar ? De eventis vitae meae ? Quid ad lectores ? De tempestate ? ut, exempli gratia : Hodie caelum est serenum, heri pluebat etc. ? Res futilis parum digna mentione.  Quam miror collegas meos, Thersitem, Neminem, Sandra Ramos et multos alios et alias, qui semper inveniunt materiam sermonis et inter jucunda et seria lectores tam perite... [Lire la suite]
Posté par Pastrix à 16:44 - Commentaires [24] - Permalien [#]
11 novembre 2009

RIDICVLVS

Iterum his diebus Caudex noster ridiculum se praebuit, mendacium proferendo manifestum. Etenim occasione utendo celebrationis diei anniversarii Valli Berolinensis dirutionis, gloriatus est  quod huic evento affuerit ipse die nono m. Nov. MCMLXXXIX Berolini. Immo socios aliquos testabatur quos se comitatos esse  affirmabat. Infortunate autem illorum nonnulli, in diariis suis, nihil notaverunt hujus generis, et tempora,quibus Berolini fuerunt illo anno, cum jactatione Caudicis  omnino non congruunt . Quod ingentem risum... [Lire la suite]
Posté par Pastrix à 17:14 - Commentaires [1] - Permalien [#]
03 novembre 2009

De Grippa nova

Post vaccam insanam, post grippam aviariam, fere totius mundi homines nunc aggreditur grippa nova, primum porcina dicta, deinde simplicius grippa ‘A’.  His diebus incipienda  dicitur in Gallia injectio vaccini seri ad  impugnandam hujus grippae epidemiam apti. Sed adhuc, in Gallia saltem, multi medici se dicunt de efficacitate hujus vaccini seri, quin immo  etiam de ejusdem innocuitate, valde dubitare Ita ut media eorum pars se nolle affirment hoc serum sibi ipsis injici, quanquam ministerium Sanitatis publicae... [Lire la suite]
Posté par Pastrix à 14:48 - Commentaires [1] - Permalien [#]
27 octobre 2009

Iterumne Ovidius exsulaturus ?

Iterumne Ovidius exsulaturus ?           His diebus ingens in scholis Gallicis a Catholicis rectis excitatur procella, cujus causa est quod ultimae classi secundariae (quae ad diploma  ‘baccae-laureae’ ducit) indictum est  studium clarissimi operis poëtae Latini Ovidii c.t. Ars Amatoria’ vel ‘De Arte Amandi’, in quod omnibus linguae Latinae discipulis necessario incumbendum est. Statim reclamatio vehemens a nonnullis sacerdotibus  orta est  et petitio quaedam... [Lire la suite]
Posté par Pastrix à 17:51 - Commentaires [2] - Permalien [#]