08 juin 2006

Aenigma

Habemus aenigma. Ubi est Sphinx, quae id solvat ? Legite enim commentarium ab amico nostro Maximo Hispano missum : Luculentissime disserit de aenigmate Reginae Noctis, quae nos honorat commentariis suis, non tamen cottidie, nam interdum tacet aliquot diebus, deinde redit et iterum scribit. Non solum non scribit cottidie (quod efficit ut nos omnes avidissime exspectemus quando reditura sit, et num reditura sit, nam semper timemus ne vox ejus, nobis nunc familiaris et cara, aliquando conticescat, ut ante eam evenit aliis deabus et... [Lire la suite]
Posté par Pastrix à 23:53 - Commentaires [4] - Permalien [#]

07 juin 2006

Numerus maleficus

Heri quidam homines totum diem tremuisse dicuntur, calamitates terribiles exspectantes. Cur ? Quia numerus diei erat ille qui, in Apocalypsi, numerus bestiae vocatur. Mementote : "Numerus ejus sexcenti sexaginta sex", id est 666 (notis arabicis, ut aiunt, nam cum Acolypsis scripta est, non ita scribebatur, sed litteris graecis quae erant 'khi' = 600, 'xi' = 60, digamma = 6, quod significat primos lectores illius libri non potuisse animo fingere hunc numerum expressum nota 6 ter repetita, ut apparet hodie..). Utcumque res se habet,... [Lire la suite]
Posté par Pastrix à 23:26 - Commentaires [8] - Permalien [#]
06 juin 2006

Lunae dies

Est Gallicum proverbium quod dicit " Triste ut Lunae dies ", quia hoc die homines, post requiem duorum dierum optime meritam, iterum ad laborem redire coguntur. Sed hic Lunae dies, quem hodie habuimus, est maxime singularis, nam media pars operariorum laboravit, dum media altera requievit. Cur ? Quia ante duos annos accidit quod scriptores actorum diurnorum vocarunt cum litteris grandibus "Caniculares Dies", id est calor vere nimius, qui effecit ut numerus ingens hominum, praecipue senum et anuum, moreretur. Ferunt enim plus quam... [Lire la suite]
Posté par Pastrix à 00:24 - Commentaires [2] - Permalien [#]
04 juin 2006

Kantius an Mephistus ?

Novus lector, cognomine Caputsaxiens, mihi (et nobis omnibus simul) favit longiusculo et jucundo commentario, toto Latine scripto, quem spero vos omnes, optimi lectores et lectrices, diligenter legisse, cui nunc responsurus sum. Primum, de cognomine meo "Pastrix" cogitanti ei videtur me conferre posse cum illo caniculo, sub cujus specie apparuit Fausto ille Mephistus, qui de se ipso profitetur : "Ego sum is spiritus qui semper negat..." Sed ego non semper nego, tantummodo dubito...Tum me rogat ex quo fonte sumpserim proverbium quod... [Lire la suite]
Posté par Pastrix à 23:47 - Commentaires [5] - Permalien [#]
03 juin 2006

linguae igneae

Cras, id est post aliquot minutas, erit dies Pentecostes, quo dicuntur linguae igneae descendisse super capita apostolorum, qui tum coeperunt loqui variis linguis, et " convenit multitudo, et mente confusa est, quoniam audiebat unusquisque lingua sua illos loquentes ". Hoc miraculum evenire mihi videtur, quoties lego commentarios lectorum et lectricum, nam unusquisque intellegere alios videtur, et respondet in sua lingua . Solus ego, vel fere solus, —nam Maximus quoque Latine scribit, et irascitur iis qui 'barbaris linguis'... [Lire la suite]
Posté par Pastrix à 23:31 - Commentaires [5] - Permalien [#]
02 juin 2006

De Leonardo...

Miserum Leonardum ! De Leonardo illo loquor qui Monam Lisam pinxit , et illustrissimam Ultimam Cenam. Cur "miserum Leonardum' ? Quia tam multi sunt qui conentur conjecturas facere, unamquamque mirabiliorem quam altera, de eo, de opinionibus et inventis ejus, et imprimis de significatione operum ejus. Quidam conjiciunt Monam Lisam (illam Jucundam) non fuisse feminam, sed juvenem, cujus amore pictor captus erat. Si ita res se habet, nomen ejus fortasse erat Monus Lisus !!! At contra in celeberrima ejus tabula cui titulus est Ultima... [Lire la suite]
Posté par Pastrix à 23:52 - Commentaires [7] - Permalien [#]

01 juin 2006

Lingua feminina ?

Regina Noctis nostra nobis narrat historiolam vere mirabilem. Puto vos omnes legisse ejus commentarium de lingua vocata Nushu, quae erat lingua propria feminis in regione quadam Sinensi. Ultima vero mulier quae ea loqui sciebat nuper mortua est, fere centum annos nata. Saepissime dicitur feminas et viros intellegere inter se non posse. Scripta est de hac re nuper series quaedam librorum, in quibus affirmabatur feminas ex Venere, viros autem ex Marte oriri. Puto plerosque vestrum legisse unum saltem de his libris (N.B.: satis est unum... [Lire la suite]
Posté par Pastrix à 23:54 - Commentaires [8] - Permalien [#]
31 mai 2006

Nunc scio...

Heri in hoc diario me ipsum rogabam quid prodesset scribere si nemo me legeret neque ullum commentarium mitteret, exclamabam:"Ubi sunt?" Nunc denique tandem scio... Quid prodest ? Videtur esse hoc diarium quasi locus hospitalis quo conveniunt viri et feminae ex diversis gentibus orti et diversis linguis utentes, qui inter se colloquuntur, etiamsi aliquando de rebus quae nihil commune habent cum argumento in diario tractato. Et ego partes ago hospitis qui libenter eos audiunt et gaudet eorum praesentia. Quid refert, si forte evenit ut... [Lire la suite]
Posté par Pastrix à 23:59 - Commentaires [2] - Permalien [#]
30 mai 2006

Ubi sunt ?

Ubi sunt, quaeso, omnes qui olim nobis commentarios suos mittebant ? Ubi jacent ? Cur tacent ? Hoc ad memoriam meam revocat hoc epitaphium jocosum quod dicitur scripsisse maritus garrulitate uxoris suae fatigatus, quod erat : " HIC JACET, TACET, PLACET " Sed mihi quidem omnino non placet istud silentium profundum, quod ex aliquot diebus hic regnat. Ubi sunt illi Hispani qui semper habebant quod narrarent, illae Gallae quae nos hilarabant facetiis jocisque suis ? Omnesne evanuerunt ? Nemo illorum vel illarum jam nos visitat? ... [Lire la suite]
Posté par Pastrix à 23:59 - Commentaires [5] - Permalien [#]
29 mai 2006

Ex imo corde...

Quae eloquentia, carissima Regina Noctis ! Cum commentarium legimus, re vera sentimus verba quae scribis ex imo corde tuo oriri. Spero multos lectores, multas lectrices ea lecturos vel lecturas. Non dubito quin plerique tibi assentiantur. Praecipue ii qui Hispanice legunt et fortasse sunt aptiores ad comprehendas querelas tuas de sorte miserorum populorum Americae Latinae. Ego ipse studiosissime legi, et intellexi quae scripsisti, nam linguam Hispanicam didici, quanquam fortasse si conarer in ea scribere, multa menda committerem.... [Lire la suite]
Posté par Pastrix à 23:36 - Commentaires [0] - Permalien [#]