24 juillet 2006

De Pico

Consilium LUDOVICI nostri secutus sum et Pici Mirandulensis orationem "de hominis dignitate" legi, in loco quem ille indicabat. In qua oratione inveni multa cognitu digna, sed duo loci praesertim attentionem meam attraxerunt. In priore philosophus ille dicit:"Si quem enim videris deditum ventri, humi serpentem hominem, FRUTEX est, non homo, quem vides."( Num. 40) Quomodo hanc sententiam legenti non occurrat mentio istius FRUTICIS, qui deditus non quidem ventri in sensu hujus vocabuli proprio, sed tam cupidine dominandi orbem terrarum... [Lire la suite]
Posté par Pastrix à 23:50 - Commentaires [3] - Permalien [#]

24 juillet 2006

Cur ?

Cur, o THERSITES, te pudet aut piget menda tua corrigere ? Cur temet ipsum asinum bipedem vocas ? Nonne saepe (eheu!) nobis accidit ut erremus? Nonne sumus homines et semper proni ad cadendum in aliquam pedicam ? Nonne satius est se ipsum corrigere quam menda in iis quae scripsimus incorrecta relinquere ? Equidem nunquam dubito, cum nuntium meum relego (sero certe, nam melius erat id attente relegere antea!) postquam missum est, et errorem quemdam invenio, commentarium ilico mittere quo erratum corrigam. Et semper gratulor iis qui... [Lire la suite]
Posté par Pastrix à 00:18 - Commentaires [2] - Permalien [#]
22 juillet 2006

Pergite...

Certe me valde pudet quod confessus sum me de poëta Georgio Trakl nunquam audisse. Etenim, ut saepenumero fieri solet, ut primum hoc nomen in commentariis lectorum et lectricum legi, nec mora et ubique id inveni. Dominus Google ipse me certiorem fecit de singularitatibus ejus vitae, infortunate brevis, sed dignissimae cognitu. Inveni etiam, praeter poëma a REGINA NOCTIS citatum, in Germanica lingua et partim in Gallicum versum, alia poëmata haud minus digna admiratione... Ergo, vestro beneficio, excultissimi lectores et lectrices,... [Lire la suite]
Posté par Pastrix à 23:19 - Commentaires [3] - Permalien [#]
21 juillet 2006

In memoriam Georgii Trakl

Gratiae mihi agendae sunt maximae REGINAE NOCTIS, quae hoc poëma, cui titulus Grodeck, nobis attulit. Quantum judicare possum, utraque versio, Germanica et Hispanica, mihi pariter egregia videtur, et admiranda. Ejus auctor, Georgius Trakl, si commentario Reginae credimus, fuit Austriacus, et poëma igitur primum Germanice scriptum. Cur ergo Regina dicit se id in Germanicum vertisse ? An fortasse ego perperam intellexi ? Sed praecipuum est quod animos nostros penitus commovet, maxime cum sciamus poëtam, ea quae describit, ipsum... [Lire la suite]
Posté par Pastrix à 23:47 - Commentaires [3] - Permalien [#]
20 juillet 2006

Imber aureus

Imber aureus pluit super hoc diarium. Imber commentariorum pretiosorum, vere dignorum qui a quam plurimis legantur ! Ita est, optimi amici et amicae. Sicut olim Danae ex Jove in aureum imbrem converso praegnans facta est, ita hoc blogum commentariorum imbre semper nova cogitata parturire coepit. THERSITI debemus illam jucundissimam narratiunculam de cochleis horti sui, quae certe omnes lectores valde delectavit, necnon sententias ejus de bello et de Frutice isto, quibus quomodo non assentiamur ? REGINA vero NOCTIS nos revocat ad id... [Lire la suite]
Posté par Pastrix à 23:53 - Commentaires [5] - Permalien [#]
19 juillet 2006

Homo homini lupus ?

Estne homo homini lupus ? certe, sed ne obliviscamur lupos ipsos inter se nunquam necare. Accidit profecto ut ad feminam adipiscendam, tempore copulandi, duo mares inter se aliquando acriter pugnant, sed nunquam usque ad alterius necem. Utinam homines contenti essent hoc genere certaminis ! Idem evenire videtur in plerisque animalibus (sed fortasse non apud cochleas, quia inter eas non videtur certari ex causis sexualibus, cum unicuique sit uterque sexus (sed fateor me de cochlearum moribus non esse vere peritum!). Ergo homines soli... [Lire la suite]
Posté par Pastrix à 23:57 - Commentaires [12] - Permalien [#]

18 juillet 2006

Nuntia pessima

Ex variis regionibus orbis afferuntur pessima nuntia: bella omnium contra omnes in Mesopotamia; aedificia, pontes, petrolei receptacula, portus maritimi, aëriportus, electricae officinae, aquae ductus, fabricae, viae, domus, ab aëroplanis militaribus diruta in Phoenicia (Libano), damna, ut aiunt, 'collateralia plurima, quae significant multos homines (plerosque non milites), pueros, mulieres, interemptos, et quid facit illa 'communitas internationalis' ? Ne jubet quidem proelia cessari, ne damnat quidem aggressores, ne revocat quidem... [Lire la suite]
Posté par Pastrix à 22:50 - Commentaires [7] - Permalien [#]
17 juillet 2006

Me paenitet culpae meae

Hoc est exemplum grammaticale notissimum, sed ad me ipsum mire hodie pertinet. Nescio enim quid mihi heri vesperi acciderit, estne propter caniculam, an ob aliam causam ? Bis graviter erravi in meo nuntio. Primum haud recte scripsi nomen auctoris a quo mutuatus sum locutionem 'inclementia canicularis': agebatur enim non de 'Sidonario' sed de 'Sidonio' Apollinari, qui vixit medio saeculo quinto et erat episcopus (immo in album sanctorum post mortem suam honorifice inscriptus est). Haec erat prior culpa. Sed altera multo gravior fuit.... [Lire la suite]
Posté par Pastrix à 23:42 - Commentaires [1] - Permalien [#]
16 juillet 2006

Inclementia canicularis

Non melius quam hac locutione a Sidonario Apollinari in una Epistularum usurpata describi potest tempestas qua his diebus afficimur. Vix tolerabilis calor, in tota Gallia, sed sine dubio in aliis partibus Europae (in Hispania suspicor res haud melius se habere...), omnes conqueruntur, senes, anus, imprimis, sed etiam pueri et puellae in campis suis ferialibus, aestuant, aegrotant, et aliquando animo linquuntur ob hunc calorem nimium, qui etiam noctu vix diminuitur. Rerum periti se interrogant de causa hujus calefactionis aëris, quae... [Lire la suite]
Posté par Pastrix à 23:57 - Commentaires [5] - Permalien [#]
15 juillet 2006

Quis novit Hastivibracem ?

Ut ex eventis atrocibus quae in variis terrarum orbis regionibus indignatione et commiseratione nos afficiunt paulisper evadamus, vos rogabo, optimi lectores et lectrices, numquis vestrum noverit quis sit HASTIVIBRAX ? Hoc nomen hoc ipso die inveni in libro in Latinum verso. Valde miratus sum, nam excogitare non poteram quem designaret translationis auctor hoc vocabulo insolito. Mos certe erat quondam, tempore Renascentium Litterarum quod dicitur (saeculo decimo sexto), multa nomina scriptorum aequalium in Latinum aut in Graecum... [Lire la suite]
Posté par Pastrix à 20:58 - Commentaires [3] - Permalien [#]