06 août 2006

Vae... Vae... Vae...

Dum ego de rebus in Libano gestis sollicitissimo animo audio, forte offendi locum excerptum ex libro quodam ab auctore Libano conscripto, nomine Jibran Khalil Jibran, saeculo praeterito. Huic loco titulus est "Maledictiones". Ibi scriptum est: VAE nationi quae nullam vocem emittere solet, nisi cum exsequias funerum prosequitur, et gloria se effert tantummodo pro sepulcris, neque prius rebellat, quam cum cervices ejus inter gladium et caudicem jam versantur. VAE nationi quae omnem victorem tympanorum tibiarumque sonitu excipit, at... [Lire la suite]
Posté par Pastrix à 15:58 - Commentaires [0] - Permalien [#]

04 août 2006

Lingua Ona

Gratiae agantur REGINAE NOCTIS, quod nos docere coepit linguam novam, non certe novam per se, nam conicio eam jam pridem exsistere, multo antequam Hispani in Americam pervenerunt, sed novam nobis quidem. Domini Google beneficio (cui nunquam satis gratiarum agemus pro scientia quam nobis gratis donare solet, vertere in Latinum potui aliquot verba poëmatis amicae nostrae, quae lectoribus et lectricibus proposui in commentario ei adjuncto. Non possumus (ego quidem non possum) satis admirari quomodo REGINA nostra diserte et sollerter... [Lire la suite]
Posté par Pastrix à 19:28 - Commentaires [2] - Permalien [#]
02 août 2006

Tempestas

Subito tempestas in nostra regione mutata est. Post dies haud paucos vere caniculares, vix tolerabiles (quales sunt nunc, si nuntiis ex America allata credimus, in California et mox Novi Eboraci), temperatura, post aliquot dies procellis et tonitru et fulgore notabiles, facta est fere frigida, quam credideris autumnalem ! Vicissitudines tempestatis sunt, quasi vicissitudines fortunae, fortiter et patienter tolerandae. Cedere iis necesse est. Nihil prodest conqueri, vix decet mirari. Nos certe, progressus technarum beneficio, non... [Lire la suite]
Posté par Pastrix à 23:57 - Commentaires [4] - Permalien [#]
01 août 2006

NEMO respondit !

Heri (vel hodie bene bene mane, nam hora praeterierat mediam noctem) querebar et dolebam quod nemo nuntiis meis respondisset. Hodie summo cum gaudio inveni NEMINEM respondisse. Gratiae NEMINI igitur mihi agendae sunt. Ex eo quod scripsit, intellexi eum mansionem suam mutavisse et perlibenter novam urbem novosque homines vere comes cognovisse. Semper est aliqua voluptas in mutatione consuetudinum, in novis faciebus intuendis, in novis amicitiis vel societatibus conjungendis. Quod ad lectiones pertinet, in quas incubuit noster NEMO,... [Lire la suite]
Posté par Pastrix à 23:52 - Commentaires [1] - Permalien [#]
01 août 2006

Nullus commentarius

Nullus commentarius proximis meis nuntiis adjunctus est. 'No Comment', ut aiunt amici nostri Anglo-Saxones. Cur ? Fortasse quae dixi 'de horrore et damnatione' quibusdam lectoribus displicuit. Spero tamen hanc non esse causam silentii eorum. Utique studiosissimus sum libertatis. Omnis generis libertatis. Libertatis politicae, libertatis moralis, libertatis sexualis, libertatis conscientiae, libertatis opinionum, religionum etc. Suam sententiam quisque exprimat libere, ut ego facio. Non possum tamen putare mea verba offendere quemquam... [Lire la suite]
Posté par Pastrix à 00:09 - Commentaires [1] - Permalien [#]
30 juillet 2006

Horror et damnatio !

Nonne horrenda sunt et damnanda quae in Libano geruntur ab exercitu omnibus generibus armorum ad internecionem innocentium instructo ? At tamen de sceleribus bellicis nondum agitur, si illi famosae communitati internationali, et imprimis ejus capiti potentissimo, scilicet Civitatibus Coadunatis Americae Septentrionali, credimus. Non sunt scelera, est tantum modus sui defendendi legitimus. Cruentus certe, sed, ut ait proverbium notissimum, 'Non potest laganum fieri, si ova non franguntur', (vel latinius: Magno sine intertrimento nihil... [Lire la suite]
Posté par Pastrix à 23:58 - Commentaires [0] - Permalien [#]

29 juillet 2006

De democratia et ochlocratia

NEMO recte dicere mihi videtur. Inter democratiam et ochlocratiam paulum differt. Differentia inter eas enim pendet ex populo ipso magis quam ex gubernatoribus, mea quidem sententia. Si populus satis doctus est et intellegere valet quid sui intersit facere et consilium sibi utile capere non temere sed cogitate, democratia hic status reipublicae recte vocari esse potest. Sed si plebs inculta et sui impotens a gubernatoribus omnis scrupuli expertibus deceptus, qui solum de sua utilitate cogitant, consilia capit quae eam in calamitatem... [Lire la suite]
Posté par Pastrix à 23:43 - Commentaires [0] - Permalien [#]
28 juillet 2006

De justitia et libertate

Non possum non assentiri imo ex animo REGINAE NOCTIS, in commentariis ejus, sive sententiam suam exprimit suis propriis verbis, sive varios auctores citando. Non dubium est, quin immo plane manifestum, id quod vocamus democratiam attulisse pauperioribus et tenuioribus neque justitiam neque libertatem veram. Saeculo XVIII plerique philosophi illius temporis quod vocatum est 'Aetas Luminum' aiebant se non confidere populo, —cujus illo quidem tempore longe major pars erat ignara, indocta, legendi ac scribendi omnino imperita —, et hac... [Lire la suite]
Posté par Pastrix à 19:47 - Commentaires [1] - Permalien [#]
26 juillet 2006

Non possum...

Hac vespera, nescio qua de causa, visitare diarium meum non potui, ut scirem utrum missi essent commentarii de nuntio meo proximo necne. Quoties conor me connectere, idem responsum in 'albo' (gall. 'écran') ordinatri scribitur : connexio non fit (gall. 'échec de la connexion'). Fortunate mihi licet hic aliquid saltem scribere et mittere. Sed tam avidus sum cognoscendi commentarios vestros (si quidem sunt aliqui) ut non inveniam quae dicere possim. Itaque puto me rem dilaturum esse in tempus aliud, scilicet in crastinum, sperans... [Lire la suite]
Posté par Pastrix à 23:41 - Commentaires [0] - Permalien [#]
26 juillet 2006

De Democratia

Summatim non possum non assentiri tibi, MAXIME HISPANE, de democratia. Quae mihi quidem videtur et pessimus rei publicae status (ut ait Winstonius Churchill, in illa sententia saepissime citata, ceteris omnibus exceptis), et quo non possit inveniri melior. Pessimus est quia, in quolibet coetu fortuito, rarissime occurrit ut major pars congregatorum numero sit simul qualitate et peritia melior. Qua de causa saepenumero, si suffragia de eligendo ex duobus propositis, utrum magis placeat, feruntur, melius a pejore superetur. Democratia... [Lire la suite]
Posté par Pastrix à 14:49 - Commentaires [2] - Permalien [#]