25 janvier 2007

Musica

Hodie vesperi adfui in ' Domo Radiophoniae Gallicae ', quae est aedificium ingens rotundum in ripa fluminis Sequanae situm, haud procul (o me fortunatum ! ) a domo mea, afui, inquam, concentui musico, cujus participes e diversis regionibus venerant, alii e terris Arabicis, alii ex Gallaecia, alii denique ex Aethiopia. Quorum quisque cecinit cantilenas terrae suae, instrumentis ejus propriis concinentibus. Addam oportet his sessionibus musicis adesse cuilibet licere, si invitationem gratuitam antea poposcit.Haec est una ex multis... [Lire la suite]
Posté par Pastrix à 23:33 - Commentaires [0] - Permalien [#]

24 janvier 2007

Rediit hiems

Totam in Europam rediit hiems. Post aliquot dies quibus temperies fere verna fuit, frigus rursus nos invadit. In Gallia complura milia autocinetorum in viis glacie et nive detenta sunt proxima nocte longas horas. Aëriportus quidam clausi sunt, nullis aëroplanis potestatem habentibus se appellendi. Fluxus electricus in permultis diversarum regionum domibus interruptus est, filis electricitatem transportantibus nivis pondere ruptis. Passim tramina quoque in mediis viis haerebant. Mirum est quantum damni in regionibus nostris, quae... [Lire la suite]
Posté par Pastrix à 23:21 - Commentaires [2] - Permalien [#]
23 janvier 2007

Januarius lentus...

His mensis Januarius semper longior videtur quam ceteri menses. Cur ? Nescio. Fortasse quia, quodam modo, incipere videtur a feriis Nativitatis, et habere hac de causa paene quadraginta dies ! Aut quia sumptus et impensae haud mediocres profusa sunt occasione feriarum et longum est exspectare dum finis mensis afferat mercedem solitam quae crumenam, nunc quasi vacuam et inanem, rursus impleat. Fieri quoque potest ut nimietas ciborum et potionum festis diebus immoderate sumptorum lassitudinem quamdam attulerit, quae faciat ut tempus... [Lire la suite]
Posté par Pastrix à 23:54 - Commentaires [1] - Permalien [#]
22 janvier 2007

Nimium sanguinis...

Quam rectissime mones, optime JLCG ! Ubique nimium celebrantur et commemorantur viri qui famam suam assecuti sunt sanguinem effundendo, sive duces exercituum, sive navarchi, sive reges vel tyranni fuerunt. Rationem inire conatus sum viarum Parisinarum nominibus horum carnificum aut proeliorum quae commiserunt nuncupatarum, nondum finivi, sed conicio plus quam viginti vias ex centum in honorem horum aut illorum nominatas esse. Et puto idem comperire posse in plerisque urbibus mundi. Eodem modo in historia uniuscujusque nationis,... [Lire la suite]
Posté par Pastrix à 23:52 - Commentaires [0] - Permalien [#]
22 janvier 2007

Regis caput...

Hoc ipso die vigesimo primo m. Januarii anni millesimi septingentesimi nonagesimi tertii caput Regis Galliae Ludovoci Sexti Decimi cecidit in corbem machinae ab ejus inventore Doctore Guillotino nominata, quod supplicium fortasse non tam crudele fuit quam quo affectus erat Rex Anglicus Carolus Primus anno millesimo sescentesimo undequinquagesimo, id est centum quadraginta quattuor ante annis, cujus caput, ut tunc et illic mos erat, secatum erat securi vel ense carnificis. Etiamnunc hic dies a Gallis fautoribus Monarchiae (ita, ita,... [Lire la suite]
Posté par Pastrix à 00:06 - Commentaires [3] - Permalien [#]
19 janvier 2007

Lectio alit ingenium

Hanc sententiam inveni apud Senecam meum (Ep. ad Lucilium 84). Etenim sine lectione ingenium, ut ager sine aqua, siccitate laborat et paulatim fit quasi sterile. Sed quid legendum est ? Acta diurna ? Ita, sed non solum ea. Nam quae ex actis diurnis cottidie discimus tertia, ut ita dicam, dimensione carent. Quam tertiam dimensionem invenies, si libros leges, qui altitudinem quamdam temporalem eventibus cottidianis praebeant. Exempli gratia, si Adolphus Hitler Napoleonis historiam attentius legisset, Russiam ita temere non aggressus... [Lire la suite]
Posté par Pastrix à 23:36 - Commentaires [2] - Permalien [#]

17 janvier 2007

Hostes hostium...

Est proverbium Gallicum quod ait : "Hostes hostium nostrorum nostri amici sunt". An eadem sententia in aliis linguis exprimitur ? Nescio, sed mihi videtur necessarium. Nam semper in historia permulta inveniuntur exempla hujus rei. Nonne audivimus Franciscum Primum, rex Galliae Christianissimus (hoc enim erat ejus cognomen) foedus icisse cum acerrimo hoste Christianorum, Soleimano Turcarum Imperatore adversus Carolum Quintum, fidei propugnatorem cui Pontifex Maximus ipse favebat ? Et saeculo sequenti, Cardinalis Ricelius, Ecclesiae... [Lire la suite]
Posté par Pastrix à 23:44 - Commentaires [2] - Permalien [#]
16 janvier 2007

16 m.jan.1556

Quadringentos et quinquaginta unumabhinc annos, die sexto decimo mensis Januarii anni millesimi quingentesimi quinquagesimi sexti (semper mihi fuit perdifficile numeris Latinis recte uti, itaque quoties mihi occasio offertur eis utendi, eam nunquam praetermitto !), Carolus Quintus Imperator Sacri Imperii Romani Germanici imperium deponebat et omnibus muneribus et honoribus suis se abdicabat. Ille qui fuerat potentissimus principum Europae, nam in dicione sua habebat, praeter Hispaniam ejusque possessionibus in America nuper... [Lire la suite]
Posté par Pastrix à 23:58 - Commentaires [0] - Permalien [#]
15 janvier 2007

Carmentalia

Hodie, quinto decimo m.Januarii, celebrabantur Romae Carmentalia. Carmenta fuit una nympharum Romanarum quae vocabantur Camenae (et postea cum Musis Graecis assimulatae sunt). Illa Carmenta mater Evandri, regis Italiae, erat, sed imprimis praeclara fuit ut vates, oraculorum editrix omni fide dignissima. Dicitur quoque quindecim litteras Graecas a filio suo Evandro in Latium allatas (quas ? nescio) in totidem litteras Romanas mutasse, et centum et decem annos vixisse. De morte ejus quidam dicunt eam a filio suo necatam esse (qua de... [Lire la suite]
Posté par Pastrix à 23:50 - Commentaires [0] - Permalien [#]
13 janvier 2007

Animalibus, non hominibus

In actis diurnis hodie publicatis legi nuntium qui admirationem movere debet : Asssociatio quaedam Isrëliana juribus animalium tuendis dedita impetravit a civitatis suae rectoribus ut murus continuus interrumperetur, qui Palestinienses ab Iraëlianis dividit, intervallo triginta chilometrorum. Nemo est qui non audierit de illo muro turpissimo qui, ingenti sumptu, exstructus est, ita ut multis locis etiam terras agricolarum Palestrinensium arabiles complecteretur, et aliquando ab agris suis aut a schola sua vici aliqui dividerentur...... [Lire la suite]
Posté par Pastrix à 23:52 - Commentaires [0] - Permalien [#]