06 octobre 2007

Abiit hiems, adiit ver

Quam cito mutantur res ! Praecipue si de tempestate agitur. Proxima hebdomade frigore moriebamur. Hac vero de calore querimur. Nemo scit, cum e lecto mane surgit, quomodo sibi vestiendum sit. Aestivone modo, an verno, an hiemali. De tempestate enim nemo jam quicquam intellegit. Et ego minus quam quisquam alius. Quin immo in eadem regione hodie siccitas, cras inundatio, etiam aliquando utraque simul ! Dicunt in culpa esse modum nostrum vivendi, vel potius modum hominum vivendi usque ab aera industriali quae dicitur, id est a saeculo... [Lire la suite]
Posté par Pastrix à 19:12 - Commentaires [0] - Permalien [#]

30 septembre 2007

Hiems adest !

Ita est, optimi lectores, in nostra saltem regione, hiems necopinato adiit. Non quidem calendarii, sed Naturae arbitrio. Nam jamdudum calendario non est credendum. Vix sex septemve ante dies in autumnum nos intravisse affirmat. Et quid evenit ? Frigus hibernum nos invasit. Jamdudum animadvertimus anni tempora, qualia cognoverunt majores nostri, jam non exsistere: vere praeterito paulum afuit quin calore plus quam aestivo moreremur. Aestate vero proxima nulla fere praeteriit dies quin non plueret, et quoties calefactioni nobis... [Lire la suite]
Posté par Pastrix à 12:15 - Commentaires [0] - Permalien [#]
23 septembre 2007

Dulce bellum inexpertis

Quis non horruit, cum audiret administrum nostrum a rebus externis, medicum, olim socialistam, nunc autem asseclam impudenter factum Caudicis, praesidis nostri (ipsius catelli Fruticis illius bellicosi), quis non horruit, inquam, cum audiret istum "humanistam", ut se praebere vult, Persico populo bellum atrociter minantem ? Num tantum de via declinavimus et deerravimus, quam nobis monstrarant praesides priores, a Carolo de Gaulle ad Jacobum Chirac, ne unquam traheremur ad bellum ullum suscipiendum quod ad civitatis nostrae securitatem... [Lire la suite]
Posté par Pastrix à 00:10 - Commentaires [2] - Permalien [#]
15 septembre 2007

Denique tandem...

Denique tandem, fidelissimi lectores et lectrices, ad vos redeo, ordinatro meo iterum operante. Enimvero haud facile fuit id reficere vel sarcire. Multum temporis et satis multum pecuniae opus fuit. Sed nunc, deo Mercurio (nam hic deus esse videtur, qui omnia communicationis instrumenta tutatur et fovet) adjuvante, spero fore ut postea sine intermissione possim vobiscum garrire. Lutetiam a casula mea Sabaudiana reversus iterum inveni omnia quae in hac urbe me delectant, et quae perdite ruri desiderabam, id est vias hominibus... [Lire la suite]
Posté par Pastrix à 19:42 - Commentaires [1] - Permalien [#]
04 août 2007

Cuique suae feriae...

Mensis Augustus adest. Qui mensis in Gallia quidem feriarum aestivarum tempus significat. Omnes fere cives hoc tempore fruuntur ut curas suas interim obliviscantur, et otio optime merito gaudeant. Etiam principes nostri idem faciunt. Legumlatores quoque, postquam complures leges promulgarunt, quibus divitibus favetur (vectigalia eorum minuendo). pauperibus vero nocetur (eos cogendo ad diutius laborandum), jus operistitii limitatur, studiorum universitatibus autonomia speciosa tribuitur, et alias ejusdem farinae, contra quas autem ... [Lire la suite]
Posté par Pastrix à 20:27 - Commentaires [3] - Permalien [#]
28 juillet 2007

Quies...

Quam quieta est vita rustica ! Hic tempestate amoenissima, neque frigida, neque calida, aura jucunda fruimur : nonnullae nubes in caelo, umbra arborum gratissima, herba secata, silentium vix ab avium cantu ruptum, televisorium caecum (propter consilium meum ignorandi novos ductores Reipublicae, de quo jampridem locutus sum), radiophonum mutum (eadem de causa), omnia hic tranquillissima. Fortasse, in aliis regionibus, bella saeviunt, obsides a latronibus vel a grassatoribus abducuntur, inundationes inexspectatae domus invadunt,... [Lire la suite]
Posté par Pastrix à 17:21 - Commentaires [0] - Permalien [#]

21 juillet 2007

"Labores et dies"

Proximo Saturni die mihi in animo vere erat aliquid narrare de vita mea rustica (quod titulo ipso diarii significare volueram). Sed mox evenit ut e via proposita digressus sim (vel de sulco deliraverim !) et, cum domus meae situm describere conarer, facies Andreae Gromici (qui olim fuit administer rerum exterarum Unionis Sovieticae) in rupe ingenti a Natura in monte insculpta quem e villa prospicimus et quae, ut ita dicam, ex alto totam vallem observat, mihi occurrerit, et mirarer quid Julius Caesar, cum iter faceret ad Helvetiam,... [Lire la suite]
Posté par Pastrix à 17:41 - Commentaires [0] - Permalien [#]
14 juillet 2007

De re rustica

Nemini magis me juvat satisfacere quam NEMINI. Quo a me petente ut de vita quam ruri ago scriberem, aliquas lineas exarabo de villula mea alpina. Spero ceteris lectoribuss et lectricibus hanc materiam non nimis molestam fore. Utique hoc me sinet aliquantulum temporis oblivisci quae in Gallia nostra geruntur, praeside Nescio-quo... Exempli gratia, hodie quo celebrabatur dies anniversarius Maximae Rerum Eversionis anni 1789, decursus militum et pompas sollemnes Lutetiae factas omnino abstinui quin in televisorio spectarem ! Quod... [Lire la suite]
Posté par Pastrix à 22:36 - Commentaires [2] - Permalien [#]
08 juillet 2007

Redeunti ignoscite !

Ignoscite mihi, quaeso, amicae lectrices, amici lectores, silentium meum, cujus culpa non tota mea est. Ejus enim causae sunt duae: prior est, quod subito, aliquibus abhinc diebus, ordinatrum meum desiit operari. Id, quod adhuc semper erat servus mihi fidelissimus lentissime et pigerrime munere suo fungi coepit, et inexspectato denique omnino cessavit. Cum id ad sartorem attulissem (paene dixi: ad medicum adduxissem, adeo mihi plus quam res inanima videtur !), ille artifex peritissime comperit in ordinatro discum durum, qui dicitur,... [Lire la suite]
Posté par Pastrix à 22:55 - Commentaires [5] - Permalien [#]
22 juin 2007

Suntne omnia uno tempore agenda ?

Si quis tanti putat Nicolaum nostrum Brevem observare quomodo res gerat, non potest non mirari quot negotia omnium generum una suscipiat. Quasi ipsi uni incumberet tota respublica, nullis administris et praesertim nullo administro primo quicquam curandum habentibus . Ubique praesens omnia gerit. Memoriam mihi renovat illius loci Belli Gallici, ubi Caesar, cum Nerviorum impetu inopinato paene oppressus esset, narrat :" Caesari omnia uno tempore erant agenda: vexillum proponendum..., signum tuba dandum, ab opere revocandi milites...,... [Lire la suite]
Posté par Pastrix à 19:08 - Commentaires [10] - Permalien [#]