FATVM ROMAE
Heri in televisione Gallica, a “catena” (ut ajunt) c.t. ARTE diffusa est pellicula quae FATVM ROMAE inscribitur. In qua narrantur res quae evenerunt a caede Caesaris usque ad pugnam Actiacam, id est ab anno quadragesimo quarto ad annum tricesimum primum a.C.n., quod est temporis intervallum quo Romae potentia de Senatorum (et Populi) manibus ad tres, mox ad duos, denique ad unum virum collata est. Etenim post Caesarem interfectum a Bruto et Cassio, Marco Antonio bene successit ut rerum potiretur, una cum Octaviano adulescente, Caesaris pronepote, et Lepido, ejus magistro equitum. Brutus et Cassius Roma fugerunt et exercitum ingentem in Graecia confecerunt, quem Marcus Antonius et Octavianus oppugnare constituerunt. Acriter pugnatum est apud Philippos, Macedoniae urbem. Primo proelio victi sunt Antonius et Octavianus (qui aeger in tabernaculo manere debuit). Sed Cassius, victoriae non confidens, sibi manus attulit. Secundo proelio Brutus, qui potius philosophus quam dux erat, victus, se interemit, clamans : « Virtus, non es nisi nomen ! ». Post hanc pugnam, ubi plus quam triginta milia civium Romanorum mortem obierunt, Antonius et Octavianus inter se imperium Romanum partiti sunt : huic pars Occidentalis, illi Orientalis tributa est. Postea Antonius Tarsum, Ciliciae urbem, profectus est, ubi eum convenit Cleopatra, Aegypti regina. Primo congressu inter eos amor ardens natus est, et posthac Antonius in Aegypto apud Cleopatram “vitam illam inimitabilem” egit, quanquam interea uxorem duxerat Octaviam, Octaviani sororem, quod reconciliationem inter duos viros significare debebat. Denique tandem iterum bellum inter eos ortum est, quod pugna navali apud Actium in Epiro, Antonio et Cleopatra victis, finitum est. Antonius, in Aegyptum reversus, se interemit, quem mox imita est Cleopatra. Sic Octavianus princeps factus est solus, Rei Publicae imagine et specie tamen servata.
Haec sunt res in pellicula ostentae, duabus pugnis imprimis optime descriptis, per rationes omnino novas technologiae hodiernae, quae “numerica” vocatur, et potestatem facit mutandi imagines “virtuales” quae dicuntur in res vel homines quae plane veri spectanti videntur. Quae rationes in fine pellicula abunde monstrantur.
Sed mihi restat ut dicam cur haec pellicula mihi tantum placuerit, et quid novi in ea faciat ut dignior visu videatur, quam omnes aliae quae antiquitatis res narrant. – LINGVA qua utuntur actores fabulae ! Nam non Anglice, non Gallice loquuntur, sed LATINE et GRAECE. Nonne permirum est ? Itaque non possum quin vehementer omnes Latinistas hortar, ut videre conentur hanc pelliculam, quam in multis aliis terris monstratum iri audivi.
Pastrix
Commentaires sur FATVM ROMAE
- Ille spectaculum, mea quidem sententia, omnibus erat spectandum. Ego vidi et victus sum.
Actores mihi videntur recte pronuntiare (ego enim quidem multas sententias intellegere potui), pugnae inauditae incredibilesque erant.
Discipulis linguae latinae meis placet haec pellicula. Quibus res populi Romani gestae recentiores esse videbantur quam animis fingere poterant. - moncler jas bontYou have made a very nice blog. Your texts is extremely good content. It would be super with a widget like Facebook like buttom. I have integrated it on my blog and it attracts attention.if you are enjoy the winter fashion welcome to visit us. http://www.monclertekoop.com "http://www.monclertekoop.com/moncler-down-jassen-heren-c-1.html http://www.monclertekoop.com/moncler-kinderen-c-8.html
- Canada Goose salgAmazing post .Useful blog website, keep me personally through searching it, I am seriously interested to find out another recommendation of it.welcome to visit us ,if you are interested in winter sports Canada Goose,Canada Goose Parka,Canada Goose Frakker,Canada Goose Vest,Canada Goose Handsker
- cheap handbagsOriginally, this bag is a popular reason, it is perfect and cheap designer handbags. Or perfect as a large-scale production of bags. I can fill a full bag, including my iPad and lunch, but it is so lightweight, it is still easy handbag around. so buy a Fendi Handbags will make you feel relax. I also have, throw your shoulders, wearing a heavy winter coat and comfortable long shoulder strap version of the package. I chose the color of graphite, Prada Handbags it is a perfect blue and gray combination of cool.If you have not heard just yet, Handbago just found another reason for looking forward to the end of the week! Handbago team almost ready to release the latest piece of Hester van Eeghen unique "I only collected the image before this Friday, which is this Saturday. Only a lucky bagista will walk the latest creations of designers from Amsterdam. Her past "only" works, this Saturday to watch the two gear!
