29 novembre 2006

Ambitio morbida...

Ubique terrarum animadvertimus, quotiescumque in aliqua civitate eligendus est praeses novus, quod fieri solet seu quarto , seu quinto, vel sexto septimove quoque anno, multos candidatos (et nunc temporis quoque candidatas!) se ostendere et summum magistratum se ambire profiteri. Est quasi morbus quidam. Nam, mea quidem sententia, haud sanus necessario debet esse qui tam gravi, tam molesto, et aliquando tam periculoso munere fungi concupiscit. Memini auctorem quemdam librum olim conscripsisse cui titulus erat : "De illis hominibus... [Lire la suite]
Posté par Pastrix à 23:44 - Commentaires [0] - Permalien [#]

28 novembre 2006

De proeliis asymmetricis (sequitur)

Hesternum textum ad bella quae asymmetrica vocantur pertinentem vix miseram, cum cogitare coepi de hac notione, et mihi visus sum invenire re vera pleraque proelia, non solum ea quorum mentionem feci heri, committi quoque 'impari Marte'. Exceptis iis in quibus inter se pugnant duo exercitus similibus armis praediti, ut duo pugiles quorum vires et pondus exacte paria esse a certaminis judicibus recognoscitur, pleraque proelia in natura rerum committuntur imparibus viribus : inter lupos et agnos, inter canes et lepores, inter leones et... [Lire la suite]
Posté par Pastrix à 23:23 - Commentaires [0] - Permalien [#]
27 novembre 2006

Bella asymmetrica...

Abhinc annis paucis Americani hanc novam locutionem invenerunt ad significandum hoc genus proeliorum quae committebant in variis orbis terrarum regionibus . Non quod hoc genus novum fuerit, nam praeter proelia inter exercitus 'justos' commissa, quae vocari possunt 'symmetrica', jampridem, sed praesertim ex tempore belli Hispanici a Napoleone suscepti, bene nota erant haec bella, in quibus exercitus 'justus' pugnabat cum adversariis, non militaribus, sed communibus vestibus indutis, atque armis variis et subito deprehensis munitis,... [Lire la suite]
Posté par Pastrix à 23:12 - Commentaires [0] - Permalien [#]
26 novembre 2006

Mors aviae voluntaria...

Stupuit totus mundus nuperrime morte voluntaria, quam sibi conscivit mulier quaedam Palaestina, prope milites aliquot Israëlianos, ut eos una secum quoque necaret. Quod facinus vocabulo Japonico "Kamikaze" vulgo nominari solet. Cur stupuit totus mundus ? Quia id fecit femina ? Minime, nam jam semel vel bis vel ter accidit ut puellae vel juvenes mulieres idem facerent. Sed stupuit quia id factum est ab avia, ab anu jam sexaginta fere annos nata, et plus quam quadraginta liberis et nescio quot nepotibus praedita. Cur hoc tantam... [Lire la suite]
Posté par Pastrix à 13:26 - Commentaires [0] - Permalien [#]
24 novembre 2006

Is fecit cui prodest ?

Adagium notissimum est, si scelus aliquod commissum est, quod ait : Is fecit cui prodest. In rebus politicis vero non tam manifesta est ejus efficientia quam in privatis. Etenim in privatis sceleribus, ut ita dicam, exempli gratia, si homo quidam interfectus est, perrarum est inquisitores non invenire posse inter eos qui propinqui erant hominis interfecti, cui profuerit ejus mors, praesertim si dives fuit, et ita comperire quis sit reus. Sed in rebus politicis non tam simplex est conclusio. Potest enim fieri ut suspicio sceleris... [Lire la suite]
Posté par Pastrix à 23:28 - Commentaires [0] - Permalien [#]
24 novembre 2006

Mea culpa...

Mea culpa, optime NEMO. Miscueram enim (intempestive!) inter commemorationem independentiae die 4 m. Julii celebratam et diem gratias agendi quarto die Jovis m.Septembris dedicatum commemorationi adventus peregrinorum puritanorum a Britannis expulsorum. Tibi gratias ago, immo omnes nos gratias tibi agimus pro explicationibus tuis dilucidissime prolatis. Sed quod ad gallinas Indicas pertinet, scisne, eruditissime NEMO, utrum vocabulum 'Indicae' significat eas ex India ipsa ortas, an ex America ? Nam error Christophori Columbi non... [Lire la suite]
Posté par Pastrix à 00:17 - Commentaires [1] - Permalien [#]

22 novembre 2006

Indicae gallinae

Hodie est ultima dies vitae complurium milionum Indicarum gallinarum, quas ad commemorandam suam independentiam a Britannis impetratam Americani cras immolabunt. Ad agendas gratias, ut dicunt. Sed quid ad has miseras creaturas pertinet, si homines, antea coronae Britannicae subacti, subito libertatem suam consecuti sunt ? Memini anno quodam praeterito Fruticem, ut ostendat contra opinionem communem se misericordem praebere posse, absolvisse gallinam Indicam quam hac occasione cum sua familia esurus erat, eamque, quanquam jam capitis... [Lire la suite]
Posté par Pastrix à 20:21 - Commentaires [1] - Permalien [#]
21 novembre 2006

Neces politicae ...

Fere cottidie (vel quotidie, si mavultis : videte quid scripserit THERSITES in diario suo) audimus aut legimus de necibus politicis in variis regionibus perpetratis. Modo in Russia diurnaria quaedam, quae symbolas scribebat de rebus in Tsetsenia gestis, interficitur in domus suae anabathro. Nemo interfectorem novit, sed plerique commentatores suspicari videntur moderatores Russiae. De Iraquia loqui non opus est : cottidie homines tenues interimuntur, sed persaepe etiam homines majoris momenti, administri, magistratus, duces militares.... [Lire la suite]
Posté par Pastrix à 19:51 - Commentaires [0] - Permalien [#]
20 novembre 2006

Eurus, Euro, Euronus

De nomine novi nummi Europaei quot homines, tot sententiae... Si THERSITAE credimus (Videsne, Thersita, me a te tandem didicisse quomodo declinandum sit nomen tuum: Thersites, voc.Thersita, gen.-dat. Thersitae, acc. Thersitem vel Thersiten. Rectene dixi ? Antea id declinabam ad exemplum Socrates, is. Mendum gravissimum !), eum vocabimus Eurum, sed nonne periculosum est ei dare nomen illius venti qui tanta vi flare dicitur, ut usurpetur per comparationem ad significandam temporis fugientis celeritatem. Mementote illius majorum... [Lire la suite]
Posté par Pastrix à 20:44 - Commentaires [1] - Permalien [#]
19 novembre 2006

De Euroni(bu)s...

Cum in plerisque Europae civitatibus instituta est moneta unica, difficultas exorta est apud Latinistas quomodo Latine vocandus esset nummus novus, qui in locum substituendus esset nummorum in singulis nationibus usitatorum, ut francus Gallicus et Belgicus, libra Italica, marca Germanica, drachma Hellenica etc. Grammatici certarunt utrum novum nomen declinandum esset Euro, Euronis, ad exemplum praedo, praedonis, aut latro, latronis, an Euronus, Euroni, ut nummus. Alii aliud nomen elegerunt. Sed quis fuit exitus creationis hujus novi... [Lire la suite]
Posté par Pastrix à 00:14 - Commentaires [5] - Permalien [#]