15 septembre 2006
Equus et detector
Hodie, praeconio quodam ab amico nostro ALBINO in loco cui titulus est Ephemeris commonefactus, novum textum in Latinum versum legi. Est una historiola 'inquisitoria' a clarissimo scriptore Conan Doyle conscripta, inquisitionem continens ab illo detectore nobilissimo nomine Sherlock Holmes ejusque comite medico Watson susceptam. Historia inscribitur 'Fulmen argenteum' (Anglice:'Silver Blaze'), quod est nomen equi egregii, qui paulo ante cursum, e quo omnes conjiciebant eum victorem evasurum, subito intempesta nocte evanescit, dum juvenis cui equi cura commissa erat invenitur interfectus, in valle quadam satis longe distante a stabulo. Omnes suspiciones in virum quemdam peregrinum conferuntur, qui eadem nocte conspectus erat in vicinio. Fortunate Sherlock Holmes, solita cum sollertia sua, probabit hunc virum in culpa non esse, comperiet quis caedem commiserit, et equum domino reddet. Translatio in Latinum hujus historiolae egregia et re vera jucundissima lectu. Si vobis vacat tempus, vos vehementer hortor ut penetretis in mundum enigmaticum Conan Doyle, toga Romana nunc primum induti !
Valete, optimi lectores et lectrices, et felices estote...
Pastrix