11 septembre 2006
Infaustus anniversarius
Hodie, 11 m. Sept., celebratur infaustissimus anniversarius. De die loquor, quo praeses Chiliensis, democratice electus, interfectus est a militibus exercitus sui, jussu eorum duce, Augusto Pinochet, adjuvantibus Americanis speculatoribus et mercennariis. Post mortem Salvatoris Allende, quem Americani, praeside Ricardo Nixon, expellere ab officio, quoquo modo, volebant, dictatura mansit permultos annos et causa fuit mortis complurium milium hominum, per cruciatus plerumque immanes. Hoc erat anno 1973, sed nunquam in oblivionem venire debet, iis quidem qui democratiam, justitiam, pacem amant. Fortasse alia eventa facta sunt eodem die aliis temporibus, sed mors Salvatoris Allende in animis nostris semper manebit, martyris democratiae et justitiae...
Valete omnes et dormite quietissime.
Pastrix
Publicité
Publicité
Commentaires
L