Canalblog
Editer l'article Suivre ce blog Administration + Créer mon blog
Publicité
latine
18 mai 2006

Mysteria

Quot mysteria subito nos circumstant ! Usque adhuc hoc diarium iter suum quiete faciebat. Loquebamur de hac re, de illa re, plane, clare, facile. Interdum lector quidam vel lectrix quaedam granum salis suum (ut aiunt) addebat in commentario aliquo quod omnes intellegebant. Et subito ! commentarii fiunt obscuri, linguae eorum insolitae, Gallica, Anglica, pronominibus utens monstruosis. Cognomina lectorum et lectricum ipsa admirationem movent. Regina Noctis, quam Maximus fingit similem deae venatus, arcu et sagittis (fortasse mortiferis) armatae...Regina Noctis, vel fortasse Reginae (numero plurali) Noctis eloquenter nobis res fere terribiles exprimit, vel exprimunt. Interea Musae nostrae quae olim nos visitare solebant, omnino evanuerunt... Rogo vos, lectores et lectrices, et obsecro, ut animum meum confirmetis. Ego quidem avidissime exspectabo commentarios vestros, quo melius intellegam de qua re agatur. Valete, et dormite bene. Pastrix
Publicité
Publicité
Commentaires
P
Clavem, cari amici, linguae Batavicae non habeo. Rogemus Majestatem Reginae Noctis ut vertat in linguam quam intellegamus.
M
Doleo, amice Ludovice, sed, quamvis aliquid intellegere possum, batavicam linguam nescio.<br /> <br /> Quod pauci texto batavico intellego ob similitudine germanica lingua aufero, sed nihil plus.<br /> <br /> Nullum auxilium hoc vobis dare possum.<br /> Sed metus mihi quoque tangit. Non capax sum omnia haec intellegere.<br /> <br /> Utinam Pastrix clavem habeat!<br /> <br /> Valete.<br /> <br /> Maximus
L
"O Mater Luna, Regina noctis, adiuva nos nunc”, quia sermonem batavum (?) ignoramus. <br /> <br /> Aut fortasse tu, Maxime, convertere possis quod Regina Noctis scripsit?!<br /> <br /> Valete.
R
Maximus: <br /> Als Pastrix vlucht, het is teken waarvan het een criticus niet kan goedkeuren. Maar allen weten wij dat de critici dienen te rijpen, om ons te laten groeien, nonsingle als mannen en vrouwen maar intellectueel. <br /> Hij zou lamentable zijn, sinds alle lezers zijn wij anciosos om het te weten, aangezien het het volgende onderwerp zal zijn waarmee het aan ons zal verrassen.<br /> De goede mijn van de nachtvriend. Tot spoedig!
M
Ubi "Nonne hoc dignus temor esse?" ait "Nonne hoc dignum timoris esse?" dicere debet.<br /> <br /> Ignoscite.
latine
Publicité
Publicité