30 avril 2006

Ex nihilo nihil

Est vetus adagium quod dicit nihil ex nihilo oriri posse. Quis hanc sententiam primus protulit ? Lucretius poëta, qui fuit Epicuri discipulus, ait in libro suo 'De Natura Rerum': "Nil posse creari/ de nihilo". Persius vero in una ex Satiris suis dicit : " Gigni / de nihilo nihilum, in nihilum nil posse reverti" . Sed primus qui protulit verbis certis hanc sententiam est Boëthius philosophus cum scripsit in libro suo 'De Consolatione Philosophiae': "Nam nihil ex nihilo exsistere vera sententia est". Itaque hodie, cum nihil novi mihi... [Lire la suite]
Posté par Pastrix à 23:46 - Commentaires [0] - Permalien [#]

29 avril 2006

Fabula Gohana

Goha est persona fabulosa Aegyptiaca quae sub specie hominis stupidi, aliquando se praebet sapientiorem quam multi docti homines. In fabula tamen quam narraturus sum, stoliditas ejus sola ostenditur. Quodam die Goha a foro asinario domum redibat, ubi decem asinos hero suo emerat. Cum via longior et molestior ei videretur, quam ut pedibus iter faceret, insidere in uno asinorum statuit, sed, antequam in viam se daret, numerare asinos voluit, ut certior fieret omnes adesse. Sed, dum numerat, omnino omisit eum in quo insidebat, ita ut... [Lire la suite]
Posté par Pastrix à 23:39 - Commentaires [0] - Permalien [#]
28 avril 2006

Dies vacui

Sunt in transportationibus (vel commeatibus) urbanis publicis horae quaedam quae 'vacuae' vocantur, quia pauci homines his horis vehiculis publicis utuntur, et sunt horae 'plenae', quibus permulti vehuntur aut ad munera sua euntes aut ad penates suos redeuntes. His horis omnia vehicula publica, tramina subterranea, autoraedae longae, currus electrici, sunt viatoribus referti, ita ut facile aemulari possint sardinas in capsulis ferreis inclusas. At contra, ceteris horis, quae sunt inter tempus eundi ad officia et tempus redeundi... [Lire la suite]
Posté par Pastrix à 23:44 - Commentaires [0] - Permalien [#]
26 avril 2006

Trahit sua quemque voluptas

Rectissime monet amicus noster Salvator : Sunt quibus placeat rus cum amoenitate sua, aëre puro, avium cantu, silentio, solitudine, et sunt quos delectet urbs cum tumultu suo et strepitu, autoraedarum commeatu perpetuo, multitudine hominum inter se collidentium. Nemo igitur reprehendat quemquam quod malit aliquid quod ipse nolit. Ut ait proverbium bene notum: 'De gustibus et coloribus non est disputandum', et Poëta : 'Trahit sua quemque voluptas'. Ego quidem libentissime, feriis finitis, Lutetiam redii. Multo cum gaudio domum meam... [Lire la suite]
Posté par Pastrix à 18:44 - Commentaires [4] - Permalien [#]
25 avril 2006

Ultima dies

Hodie est mihi ultima dies ruri acta. Cras rediturus sum in Urbem. Nunquam mihi visus sum rusticus, nihil est urbanius quam ego. Alii gaudeant aëre puro (excepto quando stercore humus spargitur) , cantu avium (exceptis qui febri aviaria laborant), silentio agrorum (excepto tempore quo agricolae automatariis 'tractoribus' utuntur!), solitudine (excepto quando amicorum et affinium turba domum invadit), ambulationibus (si forte tempestas idonea est), ascensionibus (si montes non nimis alti sunt), herbarum viriditate (si secare vel... [Lire la suite]
Posté par Pastrix à 16:31 - Commentaires [2] - Permalien [#]
24 avril 2006

Minae caeli

Post diem calidissimum et molestum, nullo vento flante, procella caelum nobis minatur , omnino atrum factum. Jam, cum vix sexta hora exacta est, tenebrae fere nos circumdant. Mox imber vehemens cadet, quem quidem gratissime accipiemus, adeo dies inamoenus fuit. Post non paucos dies, quando tempestas amoenissima fuit, sol ardens, sed zephyro semper mitigatus, ecce venit tempestas non gratissima. Tempus, fortunate, nobis mox erit in urbem redeundi, ubi nemo de tempestate vel de caelo curat, dum omnes omnia itinera sibi necessaria facit... [Lire la suite]
Posté par Pastrix à 18:27 - Commentaires [7] - Permalien [#]

23 avril 2006

Quasimodo

Hic non agitur de illo misero gibbero, hoc nomine baptizato, qui, in fabula a Victorio Hugone conscripta, amore captus erat a formosa puella Esmeralda, et campanas Templi Dominae Nostrae dicati trahebat vel pulsabat, antequam miserabiliter mortuus est de summa turri ecclesiae cadendo — nemo enim ignorat hanc fabulam celeberrimam, quae quoque in pelliculis multis narrata est — : loqui volebam de nomine hujus diei Solis, vel die dominica, cujus ritus sollemnis his verbis incipiebat. Est prima dies dominica post Pascham. Canitur (vel... [Lire la suite]
Posté par Pastrix à 18:41 - Commentaires [0] - Permalien [#]
22 avril 2006

Dies natalis felix !

Dies natalis felix, ROMA !!!. Nam heri die 21 mensis Aprilis erat natalis tuus, cujus me vehementer pudet paene oblitum esse. Tu enim nata es illo die ,—eodem quo Regina Britanniae !—, sed ante MMDCCLIX (2759) annos. Quo die, ut canit poëta Ovidius, "Urbs oritur (Quis hoc tunc illi credere posset?) / Victorem terris impositura pedem." In aeternum vivas, Roma, alma mater Europae, quanquam ingrati nepotes tui paene linguae tuae obliti sunt eamque neglegunt, et Britannicae (Vivat tamen illius terrae Regina!) postponunt. Illo die, ut... [Lire la suite]
Posté par Pastrix à 15:31 - Commentaires [1] - Permalien [#]
21 avril 2006

Sol lucet...

Adhuc ago ferias in villa mea montana. Tempestas in dies amoenior fit. His duobus diebus sol splendide luxit et carere calefactione centrali (quae dicitur) tandem potuimus. Nondum est aestas, sed appropinquare videtur hoc tempus anni amoenum. Non ignoro multos hujus diarii lectores incolere in aliis regionibus, ubi tempestas multum differt a nostra, sive vivunt in Insulis Fortunatis, ubi tempestas semper est modica, neque calida, neque frigida, sive in Hispania meridionali , ubi jam temperatura certe est altior quam hic, praesertim in... [Lire la suite]
Posté par Pastrix à 19:04 - Commentaires [2] - Permalien [#]
20 avril 2006

Gaudeamus !

Gaudeamus igitur, nam hoc est nuntium ducentesimum hujus diarii. Plus quam mille et quingentae lineae missae per ordinatrum, ut quondam naufragi litteras in lagoena quadam inclusas mittere solebant, spe ducti fore ut aliquis forte suum nuntium inveniret et sibi auxilium ferret. Quam saepe accidit ut unus vel alter ex illis miseris hominibus in insula deserta relictis totam vitam exspectarent, frustra, quia lagoena in quam inseruerant epistula suam, aut fracta erat in scopulo, aut ventis malignis abstracta erat ad loca, ubu nulla... [Lire la suite]
Posté par Pastrix à 19:15 - Commentaires [4] - Permalien [#]