tumultus civiles

In multis regionibus orbis terrae nunc temporis fiunt tumultus, concursus, reclamationes, seditiones, rixae, in viis plateisque urbium, in aedibus publicis, quasi populi harum regionum, propter causas diversas et varias, jam non approbarent gubernatores suos, quos tamen ipsi elegerunt aliquando nuperrime, in democratiis saltem. Exempli gratia, in Gallia, his diebus, secundum jam mensem, cottidie concurrunt complura milia hominum omnium aetatum et omnium professionum, etiam adulescentium et discipulorum scholarum, per vias non solum Lutetiae, sed etiam plurimarum aliarum urbium, ad reclamandum legi cuidam, quam promulgavit gubernatio Reipublicae. Hoc in Gallia. Sed talia eveniunt in multis aliis regionibus, in America adversus bellum Iraquianum; in Italia, in Germania, in Britannia, ob causas varias. Sict dicitur evenisse anno 1968, ubi juventus fere omnium regionum rebellionem quamdam fecit, quae tamen non duravit diutius quam aliquot menses. Quis scit quam diu duraturus sit hic status rerum ? Valete, amici et amicae, et dormite securi. Pastrix

Comments

[Pastrix]

Recte dicis, optime Salvator. Sed manere debemus optimistae, nam agi non potest sine optimismo quodam..., ita tamen ut non agamus sicut Dominus Quixotus, qui pugnare volebat cum molis ventosis!

[Salvator]

Sicut dicis, dilecte Pastrix, in multis locis Terrae non approbant gubernatores vel regimenes suos. Nunc in Hispania, ingentes casus corruptionis eveniuntur, per omnes regiones, iam in Hispania "continental", sicut in insulis suis (Canariae et Baleares).
Ubi sunt principia Democratiae : Libertas et Aequalitas?. Et ubi Iustitia? Et Fraternitas?. Fortasse novus 1968?. Utinam omnia haec res valeant ut consequere societam meliorem.
Mactamus cum summis honoribus ad homines liberos, integros et bonae voluntatis ut mundum ductatur tantum ob eos.
Valete omnes et curate ut valeatis!