7 mars 2006
Gratias utrique
Gratias utrique vestrum infinitas, Maxime et Karklau, pro commentariis vestris. Tibi, Karklau, pro tuis narrationibus facetis de muribus, hippopotamis et aliis animalibus; et tibi, Maxime, pro tua hortatione, ut pergam hoc diarium scribere. Spero te facile inventurum librum Annaei Flori. Qui legi potest in interreti, in uno ex multis locis ubi inveniuntur libri Latini. Puto te ea cognoscere.
Capitulum de quo loquebar plenum est laudibus erga populum Celtibericum, qui Numantiae habitabat. Quin immo scriptor accusat Romanos propter scelera quae commiserunt in obsidione et oppugnatione illius urbis. Quod est argumentum pro honestate hujus scriptoris, non tam crebra in scriptoribus temporis nostri.... Utinam talia exempla sequamur !
Valete, optimi amici, optimae amicae, ad crastinum. Et habete noctem jucundam !
Pastrix
Publicité
Publicité
Commentaires
M
K
M