22 février 2006
congregamini !
Quis non meminit hujus kerygmatis (fr.anglice:'slogan') quod, tempore quo communismus internationals florebat, in prima pagina ephemeridis cui titulus erat 'Veritas' (russice: Pravda) in omnibus Unionis Sovieticae linguis inscriptum erat : PROLETARII OMNIUM GENTIUM, CONGREGAMINI ! Cur nos eodem kerygmate non utamur, clamantes : LATINISTAE OMNIUM GENTIUM CONGREGAMINI ! ?
Nonne Latinistae tam digni sunt qui congregentur, quam proletarii ? Praesertim si iidem sunt et Latinistae et proletarii ! (mdr !!!
N.B. mdr = mortuus dementer ridendo, anglice: lol). Jam sumus plus decem numero, qui Latinitatem colimus in hoc diario. Sed fortasse multi alii sunt, qui id legunt sed nullum commentarium mittunt.
Gratias vobis ago maximas, Maxime Hispane "qui hac deambulas", Claudia quae semper habes quod scribas, Karklau versuum amator, Planseldon Graecae linguae studiose, Thalia quae melius intelligis quam videri vis, et omnibus aliis.
Valete omnes et pergite nobis favere.
Pastrix
Publicité
Publicité
Commentaires
V
M
K
C
K