13 février 2006
Sex jam menses
Sex jam menses elapsi sunt, ex quo hoc diarium interreti mandare incepi. Centum et octoginta (180) dies quorum nullus fere fuit sine linea. Cum incepi, experimentum facere volebam Latine edendi ephemeridem interretialem, ut viderem, primum num inventurus essem lectores et lectrices qui eam satis jucundam existimarent, ut commentarios suos mihi mitterent; deinde etiam num ego ipse satis perseverantiae habiturus essem, ut aliquamdiu pergerem ut institueram. Nunc ad interrogationes meas ambas responsum est, ut dicunt, positive. Cum compluribus lectoribus et lectricibus amicitiam et familiaritatem quamdam junxi, qua non possum non gaudere. Ita ut, etiamsi nunc desinere scribere vellem, non libenter haec vincula jam firmata rumperem. Sed pro hac re, gratiae maximae sunt agendae lectoribus et lectricibus, qui me semper adjuvarunt ad propositum meum tenendum.
Valete, optimae amicae, optimi amici. Et dormite bene.
Pastrix
Publicité
Publicité
Commentaires
T
C
T
H