9 février 2006
... te ipsum
"Medice, cura te ipsum", ait proverbium notissimum. Quicumque profitetur se curare alios, debet se ipsum curare si aeger est. Cur hujus proverbii mentionem facio ? Quia spectavi in televisione illum judicem qui defendere se debebat coram collegium legislatorum, accusatus quod non bene gesserat inquisitionem, quae in fine evaserat in id quod vocatum est "calamitas judiciaria", id est causam celeberrimam nomine loci ubi res actae erant vocatam Outreau (Latine: Utrellensem?). Poterat dici huic judici qui male judicaverat: "Judex, judica te ipsum". Idem posset dici magistro qui nesciret materiam quam docere debet : "Magister, doce te ipsum". Et regi (aut praesidi) qui male se gerit : "Rex, rege te ipsum". Sed cur non diceremus militi : "Miles, neca te ipsum". Finis bellorum. Initium pacis sempiternae.....
Valete, dormite bene, et somniate de judicibus justis, de magistris doctis, de regibus rectis, etc. Ad crastinum.
Pastrix
Publicité
Publicité
Commentaires
K
P
P
P
C