30 janvier 2006
Coryza
Gravedine severa laboro, id est : coryzam severam habeo. Nasus meus est prorsus constipatus. Difficulter respiro. Utor centum mucinniis chartaceis (vulgo vocatis clinex ; sed quomodo Latine hoc vocabulum declinatur ? clinex, clinicis ? Ita dicam : utor centum clinicibus ?) in hora. Nasus meus factus est rubicundus, non bibendo, sed nares meas emungendo. Praeterea saepissime sternuto tam stridenter, ut timeam ne vicini vocent vigiles, si putant, quoties sternuto, scelus quoddam committi in domo. Credo me refrixisse in illa ecclesia ubi audivi tam pulchra cantica heri. Nam aliquando quod placet, nocet....
Eo cubitum. Vos saluto, sed procul, propter contagionem. Valete, optimi lectores et lectrices. Dormite quam optime.
Pastrix
P-S. Ad Myrtillam: gratias pro invitatione. Sed nescio ubi sit ecclesia de qua loqueris.
Ad Aldam: noli desperare. Certus sum te multa jam intellegere.
Publicité
Publicité
Commentaires
C
J
T
A
A