25 janvier 2006
Frigus Siberianum
Aëris temperatura cecidit sub zerum in plerisque regionibus Europae, etiam in Gallia nostra, quae tamen habetur a Geographis regio temperata, neque in calore ut terrae tropicales, neque in frigore ut terrae septentrionales immoderata. Die Solis proximo ibo spectatum lacus nemoris Boloniensis, quos spero fore gelatos, quod ante aliquot annos accidit, cum homines poterant non solum transire lacus pedibus, sed etiam super glacie pedifollio ludere. Mirum spectaculum ! Credidisses te esse in Hollandia, ubi hieme multi homines eunt ex loco ad locum alterum, non ambulando, sed multo celerius patinando. Hic tamen non puto nos posse uti Sequana gelato eodem modo...
Valete, optimi lectores et lectrices, et dormite bene
Pastrix
P-S Ne irata sis, Myrtilla, ego te nunquam irrisi, at conira sententiam tuam sincere probavi.
Publicité
Publicité
Commentaires
C
T
M