9 janvier 2006
Nihil novi
Nihil novi. Nullus commentarius his tribus vel quattuor diebus. Aut diarium hoc a nemine legitur, aut ei qui id legunt nihil habent quod dicant. Cogere eos non possum. Tantummodo possum pergere scribere aliquot verba cottidie, donec aliquis respondeat. Sed etiamsi nemo respondet, non desinam. Ego enim scribo imprimis mea causa, ut sentiam me esse. Ceterum plerique scriptores diariorum ('blogorum') idem faciunt. Cum visito haec diaria, multa invenio quae nullum commentarium habent, et tamen auctores nihilominus non desistunt mittere nuntios suos etiam 'in vacuum', ut ita dicam. Fortasse hic est morbus nostri saeculi : ostendere omnibus modis se esse, se vivere, se sentire. Cur non ? Nonne melius est quam incendere autocineta ? Est quasi therapia, sed minoris pretii quam psychotherapia cum medico facta. Pergam igitur, ut faciunt ceteri...
Ad crastinum diem valete, et somno quieto fruamini.
Pastrix
Publicité
Publicité
Commentaires
T