11 décembre 2005
Pauca verba
Pauca verba hodie vesperi scribam, et maturius quam soleo, quia iterum conclave ubi est ordinatrum meum occupatum erit hac nocte, ita ut non possim frui solitudine quae mihi necessaria est, ut dixi olim in diario, ad meditandum et scribendum nuntium meum cottidianum. Musae mihi adversae videntur esse, ex quo redii ex itinere. Sed quae mutare non possumus, melius est aequo animo tolerare. Nam ego non solum sum Epicuri discipulus ("voluptas est summum bonum hominum") sed etiam Stoicorum (qui tamen erant ejus inimici) ("Sustine et abstine"). Itaque sustinebo et abstinebo. Et vos quoque, optimi lectores, (si forte vobis displicet me tam pauca scribere, quod dubito, nam "sapiens" sum), sustinete et abstinete, et exspectate patienter crastinum diem (Lunae diem 12 m.Dec.), dum plura scribam.
Valete et habete vesperam jucundam.
Pastrix
Publicité
Publicité
Commentaires
T