18 novembre 2005
liber
Hodie vidi in libraria taberna librum parvum, cujus titulus est Gallice : "Latin pour débutants" ex collectione "LIBRIO" Pretium 2 €.
Non carum, sed pretiosissimum. Si vultis intellegere quod scribo, emite hunc librum. Si non vultis... (nolo esse rudis...). Et meditamini hoc proverbium, quod ego modo inveni, "Liber facit liberum". (Non, ut scripserant Germani super portam ergastuli Ausvitziani : "Labor facit liberum": ironia acerba, nigra, horribilis). "Liber facit liberum", liberum ad legendum, ad intellegendum, ad cogitandum. Vivant libri.
Thalia me rogat, cur tam tarde scribam. Responsum: Quia ante vesperam non vacat, et quia mihi placet, dum omnia quiescunt, sedere ante ordinatrum meum solus in medio silentio noctis...
Valete, optimi lectores et lectrices, et dormite securi.
Pastrix
P.S. Cara et misera Thalia, si autocineton tuum mutatum esset in cucurbitam media nocte (ut mea BX), non debuisses solvere plus quam CC € ad id recuperandum !!!
Publicité
Publicité
Commentaires
T