17 novembre 2005
Ante mediam noctem
Jam appropinquat media nox, cum ego nondum scripsi diarium meum. Et scitote, amici lectores, me esse similem illi Cinerellae, de qua narratur ei relinquendum locum saltationis, et domum redeundum, ante mediam noctem, nam alioquin vestes ejus splendidae mutarentur in pannos sordidos, carpentum magnificum in cucurbitam (ut cucurbitae diei qui Anglice vocatur 'halloween', cum oculis lumine fulgentibus), equi in mures, etc... Cinerella autem ipsa iterum converteretur in puellam pauperem, orphanam, a sororibus suis et noverca sua male tractatam. Mihi omnia ista certe non acciderent, si nuntius meus post mediam noctem missus esset. Sed votum feci me missurum nuntium quotidie, id est ante finem uniuscujusque diei. Et votum servari debet.
Valete, optimi amici. Vale, amica Thalia.Habete quietissimam noctem suavissimis somniis ornatam...
Pastrix
Publicité
Publicité
Commentaires
T