10 novembre 2005
birota
BIROTA est vocabulum neo-latinum ("neo", nam antiqui homines hoc vehiculum non noverant) pro vocabulo Gallico "bicyclette".
Quod vocabulum non tam bene inventum quam videtur. Est enim mixtura trium linguarum: Latinum praefixum BI (quod significat duo), Graecum CYCLOS (quod significat circulum aut rotam) et suffixum diminutivum Gallicum ETTE. "Birota" magis mihi placet.
Sed imprudentes feminae quae birotis vehuntur in viis Lutetiae mihi videntur periculosissimae sibi ipsis et aliis, si non vident semaphora rubra, neque discernunt inter rubrum, viride, flammeum. Suntne Daltonianae ? Aut habentne birotam parvam in capitibus suis ?
Valete. Hodie scripsi maturius quam ceteris diebus. Itaque non dicam: Dormite bene, sed bonam vesperam habete.
Pastrix
Publicité
Publicité
Commentaires
T