9 novembre 2005
omnia rara
"Omnia rara sunt cara" dicit proverbium notissimum. Quod facetus homo olim perverse vertit, per syllogismum ridiculum sic: "Omnia rara sunt cara. Domus autem vilis est rara. Ergo domus vilis est cara". Sed cur mentionem feci hujus proverbii ? Quia commentarii lectorum diarii mei facti sunt rarissimi. Eos fortasse fatigavi ? Aut satis habent legere et intellegere conari, atque nolunt scribere, aut non audent. Sicut ego ipse, qui multa diaria lego, neque unquam ullum commentarium scripsi. Itaque repeto: Omnia rara sunt cara. Commentarii autem sunt rari. Ergo commentarii sunt cari. Q.E.D. (Quod erat demonstrandum), ut scribunt ei qui theorematis mathematici veritatem argumentis justis probaverunt.
Valete et dormite bene.
Pastrix.
Publicité
Publicité
Commentaires
T