27 octobre 2005
Amor Scientiae
Vos admiror, Thalia (nescio cur scripserim heri Thuliam pro Thalia: errare 'pastricium' est!) et Ferenunquam. Commentarii vestri sunt vera philosophia. De Via (quae est Tao) ad Cosmon, de Luna ad Solem, et de mari ad homines extra-terrestres, navigamus in oceano mirabili. Ego amavi vestros commentarios, ubi alter alteri respondet. Thalia, musa Comoediae, facta est Thetis, dea Oceani. Ferenunquam factus est homunculus viridis aut 'alienus'. Ego maneo terrestris, ut servus Aetatis Mediae, glebae deligatus. Sed mihi placet caelum et stellas, noctibus aestivalibus, spectare, et constellationes nominibus suis appellare: Orion (cum Betelgeusa), Bootes (cum Arcturo), Ursa Major, Ursa Minor (cum Polari), Lyra (cum Vega), Cycnus (cum Deneb), etc. Amatisne spectare stellas ?
Valete, ingeniosi Thalia et Ferenunquam, et omnes lectores et lectrices. Et dormite bene.
Pastrix
Publicité
Publicité
Commentaires
T