Eurêka : Gratias tibi agimus maximas, optima Thalia, quod explicasti nobis commentarium tuum de grano salis praecedente et de altero grano in te sito. Dico: nobis, nam Ferenunquam erat tam anxius quam ego de significatione verborum tuorum. Debemusne intellegere praenomen tuum verum esse Nathaliam ? Utique nobis tu semper eris Thalia, Musa Comoediae, cum grano aut sine grano. Hac nocte ego et Ferenunquam dormire securi poterimus. Sed valde miror quod nunquam audisti de procellis tropicalibus quae vocatae sunt Katrina et Rita. Fortasse recte facis quod non legis acta diurna, nec spectas televisionem....
Valete, optimae lectrices, optimi lectores. Ad crastinum diem Saturni
Pastrix