24 septembre 2005
Hic et nunc
Hic : Lutetiae Parisiorum, in vico quinto decimo (XV°). Nunc : die Saturni 24 m. Sept. MMV. Die Saturni, dei Temporis, ante quem praetereunt dies, menses, anni, saeculi... Jam dies decem praeterierunt, ex quo incepi hunc diarium, et mihi videtur, quasi nunquam aliud fecissem, adeo assuetus factus sum ad scribendas cottidie aliquot lineas in eo, et ad eas mittendas ut naufragus lagoenam in mare mittit, sperans aliquem eam inventurum. Et certe inventa est ab aliqua lectrice, pro qua Saturnum precor, ut eam servet semper juvenem et formosam, et Temporis injuriis immunem. Amen.
Valete, optimi lectores, Vale, optima Thalia, ad diem Solis !
Pastrix
Publicité
Publicité
Commentaires
T
P